بنگه‌هێ مارنرساى یێ ساخله‌میى یێ خیرخوازى كه‌ڤته‌ كارى

ئاماده‌بوونا جیگرى پارێزگارى دهۆكێ و و قائیمقامى قه‌زا دهۆكى رێڤه‌به‌رێ گشتیى ساخله‌میێ ل پارێزگه‌ها دهۆكێ و ژماره‌كا زۆر ژ به‌رپرسین دام وده‌زگه‌هێن حكومێ و ریكخراوان و كه‌سانێن ئایینێ كرستیانا ,بنگه‌هێ مارنرساى یێ ساخله‌میى یێ خیرخوازى هاته‌ ڤه‌كرن.
د. نزار عسمه‌ت رێڤه‌به‌رێ گشتیى ساخله‌میى ل پارێزگه‌ها دهۆكێ دیاركركو ل بنگه‌هى مارنرساى یێ ساخله‌میێ یى خیرخوازى هه‌موو خزمه‌تێن ساخله‌میێ ل بنگه‌هێ دێ بیى به‌رامبه‌ر هێنه‌ پیشكیشكرن بۆ هه‌موو ئاواران دێ به‌رده‌وام بن ل پشته‌ڤانیكرنا ڤان جۆره‌ بنگه‌هێن ساخله‌میێ.
رێڤه‌به‌رى گشتیى ساخله‌میى ل پارێزگه‌ها دهۆكێ گۆتژى سوپاسیا  كه‌نیسه‌ مارنرساى دكه‌ن بۆ هزركرن وڤه‌كرنا ڤێ بنگه‌هێ ساخله‌میێ یى خیرخوازى بۆ چاره‌سه‌ریا ئاواران كو بارگرانیه‌كا مه‌زن ژبه‌ر هاتنا ژماره‌كا مه‌زن ئاواران ل سه‌ر پارێزگه‌ها دهۆكێ دروستبوویه‌ نه‌خاسمه‌ كه‌رتى ساخله‌میێ دا چه‌ندین ئاسته‌نگ هه‌نه‌ ویێن سه‌ره‌كى ژى هژماره‌كا زۆر ئاواران ل دهۆكێ ئاكنجیى بووینه‌ وژمارا ئاكنجین دهۆكێ دو قات ژ جاران زێده‌تر بوویه‌ ژبه‌ر ئاواران وپێدڤى خزمه‌تێن زێده‌تر ساخله‌میێ هه‌نه‌ هه‌ر بزاڤه‌كا بهێته‌ كرن بۆ پشته‌ڤانیكرن و خزمه‌تكرنا ئاواران دێ بیته‌ بارسڤكێ بۆ ساخله‌میێ.
ئیسماعیل محه‌مه‌د جیگرى پارێزگارى دهۆكێ دیاركركو ئه‌م وه‌كو كارگیریا پارێزگه‌ها دهۆكێ دى هه‌ڤكار و پشته‌ڤان بن بۆ بنگه‌هى مارنرساى خیرخوازى بۆ چاره‌سه‌ركرنا نه‌خۆشیێن ئاواران ل ده‌ستپێكا ڤێ قه‌یرانا مه‌زن یا ساله‌ بۆرى دروستبووى هاتنا ژماره‌كا مه‌زن ئاواران بۆ پارێزگه‌ها دهۆكێ بارگراینه‌كا مه‌زن چیكر تایبه‌تێ بوارى ساخله‌میێ دا لێ ساخله‌میى هه‌موو ده‌زگه‌هێن خوه‌ ڤه‌ رۆله‌كێ پیشچاڤ هه‌بوویه‌ بۆ خزمه‌تكرنا ئاواران ونه‌هێلا چوو نه‌خۆشێن ڤه‌كر یان مه‌زن په‌ێداببن وكونترول ل سه‌ر ره‌وشا ساخله‌میا ئاواران یا هاتیه‌ كرن ئه‌ڤه‌ نیشانا وه‌فادارى ودلسوزیا ستاڤى ساخله‌میێ یێ ب شه‌ڤ ورۆژ ناڤ ئاواراندا كاردكه‌ن.
ئیسماعیل محه‌مه‌د گۆتژى: كه‌رتێ ساخله‌میى زۆر یێ گرنگه‌ پێدڤى پشته‌ڤانیى هه‌یه‌ ئه‌م داخوازى ژ رێكخراوان دكه‌ن پشته‌ڤانیا كه‌رتێ ساخله‌میى بكه‌ن.
قه‌شه‌ فلیب رێڤه‌به‌رێ دیرا مارنرساى دیاركر كو پشتى هاتنا تیرورستێن داعش وكه‌ڤتنا پارێزگه‌ها مووسل مه‌ وه‌كو كه‌نیسه‌ ب فه‌ر دیت هاریكاریا ئاواران بكه‌ین ل ده‌ستپێكێ هاریكاریا هاته‌ كرن ب دابینكرنا ه‌جل وبه‌رگ وخۆارن وكه‌ره‌ستێن پێدڤیى بۆ ڤه‌حواندنا ئاواران ده‌مێ كارى خوه‌ دا مه‌ دیت ئاواران گه‌له‌ك پێدڤى خزمه‌تێن ساخله‌میى هه‌یه‌ له‌ورا ژێ هه‌ولدان هاتنه‌ كرن بنگه‌هه‌كێ خیرخوازى ڤه‌كه‌ن وپشتى رێڤه‌به‌ریا گشتیى ساخله‌میى رازه‌مه‌ندى ل سه‌ر كرى ده‌ست بكارى هاته‌ كرن ل هه‌یڤا ده‌ه ساله‌ 2014ێ ژووره‌كا رێڤه‌به‌ریا كه‌نیسى هاته‌ ته‌رخانكرن بۆ كلینكه‌كێ بۆ چاره‌سه‌ریا ئاریشێن بزیشكێ یێن ئاواران.
قه‌شه‌ فلیب ئه‌وژى دیاركركو هژماره‌كا نوشداران وستاڤێ ساخله‌میى خوبه‌خش كاركرن د حه‌ڤتیى دا دوو رۆژان ده‌وام دهاته‌ كرن و ده‌رمان ژلایێ بزیشكێن ئه‌مریكا مێرسى ورێڤه‌به‌ریا گشتیى ساخله‌میى پارێزگه‌ها دهۆكێ  هاتنه‌ ته‌رخانكرن وپشتى سه‌ره‌دانا غبتا پاتریرك مارلویس ساكو بۆ كلینكێ هنده‌ك هاریكارى ته‌رخانكرن بۆ كرینا ده‌رمانان بۆ چاره‌سه‌ركرنا نه‌خۆشیێن ئاواران.
رێڤه‌به‌رێ دیرا مارنرساى گۆتژى: بنگه‌هێ مارنرساى خیرخوازى چاره‌سه‌ریا ئاوارێن مه‌سیحى وئیزدى  و موسلمان وهه‌موو ئاواران دكه‌ت بیێ جۆداهى كو رێڤه‌به‌ریا گشتیى ساخله‌میى دهۆكێ و رێكخراوا كاپنى وحه‌مورابى وچه‌ندین رێكخراوین دێ هه‌ڤكارى كر وكه‌ل وپه‌لێن بزیشكى هه‌موو هاتنه‌ دابینكرن بۆ بنگه‌هێ نوكه‌ رۆژانا 80 هه‌تا 100 نه‌خۆشان دهێنه‌ رێڤه‌برن و داخوازا هاریكارى ژهه‌موو لایه‌نان دكه‌ن داكو بنگه‌ه بشێت شیوه‌یه‌كێ باشتر خزمه‌تا ئاواران بكه‌ت ب تایبه‌تێ ژى كرینا ده‌رمانان یێن ئێشێن به‌رده‌وام.