ڤاكسیندانێ بۆ زارۆیێن كێمتر ژ 5 سالیێ ده‌ستپێكره‌ڤه
هاتیه بلاڤکرن روژا جارشه‌مبێ, 27 گولان 2015 - 11:52am
سه‌رپه‌رشتا هه‌وا ڤاكسیندانێ ل پارێزگه‌ها دهۆكێ راگه‌هاند؛ ژ به‌ر هه‌بوونا مه‌ترسیێ، وان ده‌ست ب هه‌وه‌كا ڤاكسیندانێ دژی نه‌خۆشییا فالنجا زارۆیان بۆ ژیێن كێمتر ژ 5 سالیێ ده‌ستپێكره‌ڤه.
د. لوما حازم دیاركر، هاتنا ئاواره‌یان ب ڤێ رێژه‌یا مه‌زن بۆ هه‌رێما كوردستانێ و سنۆرێن پارێزگه‌ها دهۆكێ مه‌ترسییه لسه‌ر زارۆیێن پارێزگه‌هێ و هه‌رێمێ، له‌و دنها دا هه‌وێن ڤاكسیندانێ بووینه مه‌هانه، نها ژی تیمێن ساخله‌میێ مال ب مال د گه‌رن و هنده‌ك ژی دێ ل بنگه‌هێن ساخله‌میێ خوجهـ بن.
ناڤهاتی ئاماژه‌كر، ل پارێزگه‌ها دهۆكێ پتری 258 هزار زارۆیان دێ هێنه ڤاكسیندان كو پتری 60 هزاران ژ وانا زارۆیێن ئاواره‌یانه ل پارێزگه‌ها دهۆكێ، دوپاتكر ئه‌ڤ هه‌وه تا رۆژا پێنج شه‌مبی دێ یا به‌رده‌وام بیت.
ئه‌ڤ مالپه‌ره فرێکه
