نوشدارێن ئەلمانیی بۆ ئیکەمین جارا کۆمەکا نشتەگەریێن جوانکاریێ دھۆکێ کرن

شاندەکێ نوشدارین ئەلمانیی بۆ جارا ئێکی چەند نشتەگەری ئەنجامدان بۆ زارۆیان ب ھاریکاریا رێڤەبەریا گشتیی ساخلەمیێی ل پارێزگەھا دھۆکێ و قونسلێ ئەلمانیا ل ھەرێما کوردستانێ،ل دووماھیا کونفرانسی ساخلەمیا دھۆکێ چەندین دیاری پیشکیشی شاندی ناڤبری کرن.

پرۆڤیسور  ئیمان کوتکسی نوشداری جوانکاریا زارۆیان دیارکرکو  ئەم ل ھەموو جیھانی دگەرینن بۆ ئەنجامدانا نشتەگەریێن جوانکاریی یێن دیگمەن بۆ زارۆیان کو ھەر ئاریشەکا جوانکاری ل دیمەیێن وێ ھەبن ئەم چارەسەر دکەن مە شیا بھێنە ھەرێمێ وتایبەتی ژی پارێزگەھا دھۆکێ بۆ ئیکەمین جارا وکۆمەکا نشتەگەریان بکەن وھەموو ژی ب رێژا ١٠٠% سەرکەڤتینە.

پرۆڤیسوری راگەھاند کو کارمەندین نەخۆشخانا ھێڤی یا زارۆیان زور ھەڤکاری دگەل تیمی مە کرن وپێکڤە کار ھاتە کرن بۆ ئەنجامدانا نشتەگەریان.

د. قادر محمد سالح تایبەتمەندی نشتەگەریێن زارۆیان دیارکرکو ل ماوەیی حەفت رۆژاندا ٢٧ نشتەگەری ھاتنەکرن ئەڤ نشتەگەریینە دھێنە ھژمارتن زەحمەتترین جۆرێن نشتەگەریان پتریا وان زارۆیان دبیی ھێڤی بوون ئەڤە دەمەکێ درێژ بوو ل چارەسەری دگەریان لێ شاندی نوشدارین ئەلمانیی شارەزایی ھەبوون وچوو ژی نەمان ھەموو زارۆ نەساخ ھاتنە چارەسەرکرن ژوانا زارۆیان ژی ھندەک خەلکێ دھۆکێ بوون و ھندەک ژی یێن سوران بوون زێدەباری ھندەک زارۆیێن ل کەمپیێن ئاوارە ئاکنجیی زێدەتر ١٢٠ نەساخان ھاتبوونە پیشکنینکرن وناڤ وان یێن ھاتینە تۆمارکرن بۆ سالە بھێت ل ھەیڤا شەش دێ شاندی جارەکا دی سەرا دھۆکێ دەت وپلان ھاتە دان ل سالە بھێت چەندێن نشتەگەریێن دی ب زەحمەت بھێنە کرن چوو جاران نەھاتینە کرن ل سەرانسەری عێراقی دێ ئیکەمین جار بیت ل دھۆکێ دھێنە کرن.

د. قادر دیارکرکو ئەڤ سالە سی شاندەیێن نوشداران ژ وەلاتین جۆدا و جۆدا قەستا نەخۆشخانا ھێڤی یا زارۆیان کرینە نشتەگەری بۆ وان زارۆیان کرینە یێن لیڤ یان پەحنیکا دەڤی پێڤە نەبیت ئیک تیم نەشیت چارەسەر بکەت شاندەک دھێت جۆرەکی نشتەگەری دکەت وشاندی دی تەمام دکە تکو حەفت نوشدارین تایبەتمەند پێکڤە کاردکەن.