لسەر نەخۆشییا سلێ ساخلەمی شیانێن کادرێ خوە پێشڤە دبەت

ژبۆ بلندکرنا شیانێن نوشدار و کادرێ ساخلەمیێ ل سنورێ پارێزگەھا دھۆکێ بتایبەت ئەوێن خزمەتا ئاوارەیان دکەن شیانێن وان لسەر چارەکرنا نەخۆشییا سلێ دھێنە پێشڤەبرن.

د. عبدالرحمن  ئیسلام بەرپرسێ سەنتەرێ نەخۆشیێن سینگی و ھەناسێ ل پارێزگەھا دھۆکێ دیارکر، بۆ بلندکرنا ئاستێ شیانێن نوشدار و کادرێ ساخلەمیێ دو خۆل مە ڤەکرن، ئێک ژوان بۆ نوشدار کو تێدا رێیێن دروست لسەر ھەر نەخۆشەکێ سلێ یێ بھێت دیتن و بتایبەت دناڤ ئاوارەیان دا بھێتە چارەسەرکرن.

دیارکرژی، خولا دوێ بۆ کادرێ ساخلەمیێ ئەوژی یێ پتر دناڤ ئاوارەیان دا کار دکەن بۆ ھندێ زێدەتر خزمەتا وان بھێتە کرن.

دا زانین ژی دگەل ھاتنا ئاوارەیان بۆ سنورێ پارێزگەھا دھۆکێ وان گرنگیەکا تایبەت د وارێ چارەکرنا ڤێ نەخۆشیێ دا ئاراستە کریە.