ساخلەمیێ دەست ب رەشاندنا میحوەرێن ھێزێن پێشمەرگەی کریە

ب مەرەما نەھێلانا مێش و مور و کرانکەرا ل میحوەرێن ھێزێن پێشمەرگەی و ھەروەسا دناڤ کەمپێن ئاوارەیان دا ژی، خوپاراستنا ساخلەمیێ دەست ب مەزنترین ھەوا رەشاندنا کەمپێن ئاوارەیان کریە.

ئەندازیار غەریب حکمەت بەرپرسێ ھوبا ڤەگوھێزەرێن نەخۆشییان ل رێڤەبەرییا کاروبارێن خوپاراستنا ساخلەمیێ راگەھاند، ژ دەستپێکا مەھا نیسانێ ل ھەموو محیوەرێن ھێزێن پێشمەرگەی د چارچووڤێ پارێزگەھا دھۆکێ دا، ھەروەسا ل ھەموو کەمپێن پارێزگەھا دھۆکێ، وان دەست ب ھەوەکا رەوشاندنێ ل بارەگا و جھێن پێشمەرگەی ل بەرەیێن شەری کریە، زێدەباری وێ د ناڤ چادرێن ئاوارەیان دا ژی ئەڤ ھەوە یا بەردەوامە.

ناڤھاتی دوپاتکر کو ئەڤە قوناغا دووێیە ژ ھەوا رەشاندنێ کو نھا ب پشتەڤانییا پارێزگەھا دھۆکێ دھێتە ئەنجامدان و بەردەوام تیمێن وان دکاریدانە تاکو ھەر جھەکێ پێشمەرگە لێ بیت بھێتە رەشاندن ژ بۆ نەھێلانا مێش و مۆرا بیت دناڤ کەمان دا.