سێ کەڤنترین کارمەندێن ساخلەمییێ ھاتنە خەلاتکرن

رێڤەبەریا گشتیی ساخلەمییێ ل پارێزگەھا دھۆکێ سێ کەڤنترین کارمەندێن ساخلەمیێ ل رێڤەبەریا کاروبارێن خو پاراستنا ساخلەمیێ خەلاتکرن ژبەر خزمەتا وان دوور و درێژ سالین خوە خزمەتکرنێ دا پێشکیشی خەلکێ دھۆکێ کرین ل داویێ ھەرسێ کارمەند ھاتن خلاتکرن .

د. بەختیار ئەحمەد رێڤەبەرێ کاروبارێن خوە پاراستنا ساخلەمیی ل دھۆکێ گوت: کاروانێ ژیانێ ناراوەستیت ھەر یێ بەردەوامە دەست ب دەستێ ئاڤادانیی و خزمەتا ژیانێ دا دھێتە کرن بۆ وەلاتیان خالێن ھەرە گرنگ  شوون تبلێن ڤان کەسان د خزمەتێ دا دیارن , ژیانێ دا مروڤ دو تشتان ڤێر دبیت ئەوژی سەربوور و خەلەتی چوو وەکو سەربوری نێنە ئەڤرۆکە سی کارمەندێن خودان سەربورەکا درێژ دگەل ساخلەمیێ ھاتنە خانەشینکرن یا گرنگ ئەوە دەمێ کەسەک ژ جھەکێ دچیت ئاڤاکرنا وێ جھی ب خزمەتا وێ کەسێ دمینت کا چەند خزمەت کریە ئەم ژدل سوپاسیا ڤان کارمەندێن خوە دکەن ئەم دێ مفایێ ژ سەربورا وان وەرگرین ڤان کارمەندان بەرھەڤیا خوە نێشا داینە ھەردەمێ ئەم پێدڤی بن دێ ھاریکاریا ساخلەمیی کەن بیێ بەرامبەر.

عبدالمحسن محمد احمد ئێک ژ خانەشینکریان دبێژیت :ل دەستپێکا دامەزراندنا خوە ئەم ٢٤ ھزار دیناران ھاتینە دامەزراندن ھەتا ئەم گەھشتینە ڤێ قوناغێ ئەم بخوە مفایی وەرگرن دەمێ مروڤ کارەکێ بکەت ب رژدی ئەنجام بدەت ئەم خوە ناھژمیرین خانەشینکری دێ بەردەوام خزمەتا خەلکێ خوە کەن دڤان سالین خزمەتکرنێ دا مە یا شیایێ خزمەتەکا باش بکەن وتشتی من دڤیت ھەموو کارمەند دلسوز بن و بەرژوەندیا گشتیی پێش چاڤ وەربگرن.