وەزیرێ ساخلەمیێ سەرەدانا دهوکێ کر

د. ریکەوت حەمە رەشید وەزیری ساخلەمییێ حکومەتا ھەرێما کوردستانێ دیارکرکو  دەست ب ئاڤاکرنا نەخۆشخانەکا ١٠٠ تەختی ل بەردەرش ھاتبوو کرن لێ ژبەر قەیرانا دارایێ پرۆژە ھاتیە راوەستاندن وگۆتژی بارگرانیا مەزن ل سەر نەخۆشخانەیێن دھۆکێ دروست بوویە ژبەر ھاتنا ژمارەکا مەزن ئاوارە ودەرمان کێم بوویە ومێلاکێ نەخۆشخانەیان ژێ وەکو پێدڤێ نێنە لێ نوکە وەزارەتا ساخلەمییێ لیستەک یا حازرکری بۆ دامەزراندنا ھژمارەکا نوشداران دێ داینە ئەنجومەنی وەزیران داکو رازەمەندی ل سەر بھێتە کرن.

د. ریکەوت زێدەتر گۆت نەخۆشخانا ژن وزارۆکبوونی و نەخۆشخانا تەنگاڤیان ل دھۆکێ ونەخۆشخانا ١٠٠ تەختی ل بەردەرش ھاتنە چێکرن ئەڤە نەخۆشخانە زور گرنگن پێدڤیە تەمام ببن ب ھەر کوژمەکێ پار بیت.

ناڤبری ئەوژی دیارکرکو سالە ٢٠١٤ دەرمان ژ بەغدا وەکو پێدڤی نەگەھشتن ھەتا نوکە رێژا ٣٥% دەرمان یێ ژ بەغدا ھاتین وپێدڤی بوو رێژا ١٠٠% دەرمان ژ بەغدا بھێن شوونا بەغدا دەرمانان بۆ ھەرێمێ رەوانە بکەن زێدەتر ژ ملیون ئاواران بۆ ھەرێمێ ھنارتن ڤێ چەندی بارگرانیی ل سەر ساخلەمیا ھەریمێ دروستکر چونکو بۆ ئەگەر دەرمانێن ھەریمێ کیم ببن.

وەزیری ساخلەمیێ حکومەتا ھەرێما کوردستانێ گۆت سالانە ژبوودجەیا حکومەتا ھەرێمێ ب کوژمێ زێدەتر ژ ١٠٠ ملیون دولار دەرمان دھاتنە کرین بۆ نەخۆشخانێن ھەریمێ لی بوودجە ھەرێمی ژی نەھاتە دان ژبەغدا دئەنجامدا بودجە کیم بوو ڤێ چەندی کارتیکرن ل کیمبوونا دەرمان کر.

د. ریکەوت حەمە رەشید دیارکرکو ل ھەموو جیھانی  دناڤ کەمپێن ئاوارە دا چەندین جۆرین نەخۆشیا پەێدادبن خوش بەختانە ل ھەرێما کوردستانێ دناڤ کەمپێن ئاوارە دا چوو جۆرین نەخۆشیا پەێدانەبووینە  کونترول ل سەر ھەموو جۆرین نەخۆشیان یا ھاتیە کرن.

 د. نزار عسمت تەیب رێڤەبەرێ گشتیی ساخلەمیا دھۆکێ دیارکرکو زور یا گرنگە ھەیڤانە کوژمەکێ پاری بۆ نەخۆشخانەکێ بھێتە تەرخانکرن داکو کار دئاڤاکرنا نەخۆشخانەیاندا یێ بەردەوام بیت چونکو بارگرانیێ ل سەر نەخۆشخانەیان یا دروست بووی نوکە کار دئاڤاکرنا نەخۆشخانا تەنگاڤیا ل دھۆکێ یی دھێتە کرن ل دەڤەرا سەرتەنکی ھەتا نوکە قوناغێن باش کار ب رێڤەچووینە.

د. نزار عسمت تەیب زێدەتر گۆت: کار دئاڤاکرنا نەخۆشخانا ژن وزارۆکبوونی دا ژێ یێ بەردەوامە ئەم داخوازی دکەن بوودجە بھێتە تەرخانکرن داکو وەختێ پێدڤی دا ئەڤ نەخۆشخانە تەمام ببن ومیلاک ژێ بھێتە دامەزراندن و دەرمان ژێ وەکو پیچدڤێ بھێتە تەرخانکرن بۆ دھۆکێ چونکو ھاتنا ئاوارە بارگرانیێ ھەموو بوارەکێ دا یا دروستکری.وەزیری ساخلەیی سەرەدانا دھوک کریە