بریارە رێژا ٨٠ % ژدەرمانێن میسل بھێنە سەر بەھرا پارێزگەھا دھوک

شاندێ پەرلەمانی ئیراقێ سەرەدانا ساخلەمێ کر ھاتنە پێشوازیکرن ژلایێ د. نزار عسمت رێڤەبەرێ گشتی ساخلەیا دھوکێ دکوبونەکێدا بەحسێ چەوانیا ھەما ھەنکی و ھاریکاریکرنا ئێک ھاتەکرن, 

د.بھار سلیمان ئەنداما پەرلەمانا ئیراقێ گوت: ئەم وەک شاندێ پەرلەمانێ ئیراقێ ب سەروکاتیا د.فارس بر یفکانی سەروکێ لیژنا ساخلەمیێ ل پەرلەمانێ ئیراقێ سەرەدانا رێڤەبەیا گشتی ساخلەیا دھوکێ کر, دگەل مە د. خالد رێڤەبەرێ گشتی ساخلەمییا پارێزگەھا میسل تازە دەست بکار بویە , لڤێرە مە ب فەر دیت کو ژ ئەڤرو پێڤە کارێ خو لژێر چاڤدێریا رێڤەبەرێ گشتی ساخلەمیا دھوکێ کار بکەت ژبو پێشکێشکرنا باشترین خزمەت بو ئاوارەیێن سنورێ پارێزگەھا دھوکێ , ھەمی ھەول و بزاڤێن مە ئینانا ھاریکاریا ژ وەزارەتا ساخلەمییا بەغدا بینین ژبو پتر خزەتکرنا خەلکێ دھوکێ,

لدور ئەوێ چەندێ ئینانا دەرمان و پێدڤێن نوشداری یێن بەھرا میسل بھێنە لسەر بەھرا پارێزگەھا دھوکێ بریار یا ھاتیە دان کو رێژا ٨٠% ژوان دەرمان و پێدڤێن نوشداری بھێنە سەر بەھرا دھوکێ ئەڤ چەندە زور باشە و دێ چاڤدێریا ڤی کاری رابین , ھەروەسا بریارە ئەڤ  دەرمانە دکوگەھێن دەرمانا ل دھوکێ بھێنە کوگەھکرن , ھەتا نوکە ئەو ھاریکاریا ژ لایێ حکومەتا ئیراقێ بو ئاوارەێن سنورێ دھوکێ زور یا کێم بویە نە لدیڤ قەبارا ئەوان ئاوارا نە وەک یا دیار کو رێژا ئاوارا ژ ئاکنجیێن دھوکێ پترن ,ئەم دگەشبینین کو بریارە ژ ٥-٨ دەستھەلاتێن وەزارەتا ساخلەمیێ بدەنە رێڤەبەرێ گشتی ئەڤێ چەندێ کو ئەڤ رێڤەبەرێ گشتی دەستھەلاتێن خو جێبەجێ بکەت.