بەرهەڤی ژبو خوە پاراستنێ ژ کولێرایێ ل دهوکێ دهێنە کرن

ل سەر داخوازیا د. نزار عسمەت طیب رێڤەبەرێ گشتیی ساخلەمیێ ل پارێزگەھا دھۆکێ ئەڤرۆ ٢١/٩/٢٠١٥ ل کۆچکا پارێزگەھا دھۆکێ  روونشتنەک دگەل ھەموو دام ودەزگەھێن پەێوەندار وقائیمقامێن قەزایێن سەر پارێزگەھا دھۆکێ ھاتە ئەنجامدان ل سەر چەوانیا خوە پاراستنی ژ نەخۆشیا کۆلێرێ پارێزگاری دھۆکێ ب وەکالەت دیارکرکو ھەر تشتەکێ ئەم بزانێن دێ بیتە مەترسیێ بۆ بەلاڤبوونا نەخۆشیا کۆلێرێ دێ بریارا قەدەغەکرنا وێ ھێتە دان، رێڤەبەرێ کاروبارێن خوە پاراستنی ژێ دیارکرکو پێدڤیە ئاڤ کلوری کری بھێتە بکارئینان ونابیت خۆارنا نە پاقژ و سار  بھێتە خۆارن ھەتا نوکە چوو حالەتێن نەخۆشیا کۆلێرێ ل پارێزگەھا دھۆکێ پەێدانەبووینە.

 د. سکڤان حەسەن عەلێ رێڤەبەرێ کاروبارێن خوە پاراستنی رێڤەبەریا گشتیی ساخلەمیێ ل پارێزگەھا دھۆکێ دیارکرکو مەترسیا نەخۆشیا کۆلێرێ یا ھەی چونکو ب رییا ئاڤ پێس دھێتە ڤەگوھاستن لێ ھەکەر رێنمایێن دروست ساخلەمیێ بھێنە بکارئینان چوو مەترسیێ نێنە ئەوژی بکارئینانا ئاڤا ساخلەم وپاقژ کو یا تافیلکری ئانکو کلور کریبت ل ناڤ کەمپیێن ئاوارە ژێ ھەکەر جھەکێ ئاڤ کلوری نەبیتە پێدڤیە ئاڤ بھێتە گەلاندن وپاشی بھێنە بکارئینان ونابیت خۆارنا پیس بھێتە خۆارن پێدڤیە خارنا گەرم بھێتە بکارئینان ھەکەر خۆارن یا سار بیت پێدڤیە دووبارە بھێتە گەرمکرن ب باشیی ژێ بھێتە گەرمکرن پاشی بھێتە بکارئینان و نابیت ئەو بەفرە ل سەر جادەیان دھێتە فروتن بھێتە بکارئینان ھەکەر بەفر ل مال بھێتە چێکرن چوو ئاریشە نێنە مە گەلەک پرۆگرام ھەنە بۆ رێگریێ ل بەلاڤبوونا نەخۆشیا کۆلێرێ.

د. سکڤان حەسەن گۆتژی تیمین زیرەڤانیا ساخلەمیێ دێ زێدەتر و خورتتر چاڤدیریا خۆارنگەە کەت دێ ھەموو زێدەتر ھێنە کونترولکرن دێ کومبوونین بەرفرەھتر بۆ زێدەتر دوڤچوون وگرنگیی دانی ب ساخلەمیا وەلاتیان ھێنە ئەنجامدان دێ تێمین ساخلەمیێ باشتر قەستا کەمپێن ئاواران کەن بۆ پیشکنین و دوڤچوونا ئاڤی و پاقژێ