رێڤەبەریا گشتی یا ساخلەمیا پارێزگەها دهوکێ لسەر کولێرایێ دگەل رێکخراوێن ناڤدەولەتی کومبو

ب ئامادەبونا اسماعیل محمد سەروکێ لیژنا بەرھنگاربونا نەخوشیا کولێرایێ و د. سیروان محمد رێڤەبەرێ گشتی ساخلەمیا دھوکێ ب وەکالەت و چەندین رێکخراوێن ناڤدەولەتی ل پارێزگەھا دھوکێ یێن دناڤ کەمپێن ئاوارەیان دا کار دکەن و چەند لایێن دی یێن پەیوەندیدار .کومبون 

د. سیروان محمد اسود رێڤەبەرێ گشتی ساخلەمیا دھوکێ ب وەکالەت گوت: ئەڤرو  وەک درێژیدان ب ئەوان کومبونێن بەری نوکە ژ ئەگەرێ پەیدابونا وان دوو حالەتێن نەخوشیا کولێرا یێ و چەندێن حالەتێن گومالێکری ل دھوکێ پەیدابوین , ئەڤرو ب ڤەر مە دیت کو دگەل سەروکێ ڤێ لیژنێ و رێکخراوێن نیڤ دەولەتی و نەحکومی ئەوێن ل کەمپێن ئاوارەیان کار دکەن کو بھێنە ئاگەھدارکرن و ژ نێزیک کا مە چ کریە و ئەم پێدڤی ب چینە و ئەم دێ چکەین و ئەو دێ بو مە چ کەن دەربارەی ڤێ نەخوشێ لدیڤ وێ پلانا پارێزگەھێ دھوکێ دانایی ئەڤ رێنما بھێنە پەیرەوکرن دناڤ کەمپا دا وەک زێدەکرنا رێژا کلوری دناڤ ئاڤێدا و پەیرەوکرنا پروگرامێ رەوشەنبیرکرنا کەسێن دناڤ کەمپا دا و زێدەکرنا تیمێن ساخلەمیێ ئەوێن دیڤچونا زکچونێ دکەن, ژبو پتر موکمکرنا پەیوەندیا ژبو پتر کاردکرن پێکڤە بو کونترولکرنا ڤێ نەخوشێ , قەدەغەکرنا بەڤرێ و زەرزەوات دناڤ باژێری و دناڤ کەمپادا .  

 دیسان بو حالەتین هەین پێرابونێن دوورست هاتینە کرن و بارودوخ د بن کونترولا ساخلەمیێ دا یە هیچ مەترسیەک نە مایە