رێڤەبەریا گشتی یا ساخلەمیا دھۆکێ حەفت نوشدارێن خانەنشینکری خەلاتکرن

د.نزار عسمەت رێڤەبەرێ گشتێ یێ ساخلەمیێ ل پارێزگەھا دھۆکێ د پەیڤەکێ دا بخێرھاتنا ھەموو نوشدارێن تایبەتمەند ل پارێزگەھا دھۆکێ کر و دیارکر کودێ بەردەوام رێزگرتن ل نوشداران ھێتەکرن ژبەر وێ خزمەتا پێشکێشی خەلکێ خوە و باژێری خوە دکەن و شوون تبلێن نوشداران د بوارێ خزمەتکرنێ دا دیارن و دەمێ مروڤ وان نوشدارێن خانەنشینکری دبینت مروڤ حەز دکەت زێدەتر خزمەتێ بکەت، نوشدارێن خانەنشینکری رۆلەکێ مەزن ھەبووینە دبوارێ خزمەتکرن و ساخلەمیا وەلاتیاندا، ئەڤ نوشدارێن خانەنشینکری یێن بووینە پالدەر ئەم زێدەتر خوە ماندی بکەن.

د.نزار عسمەت دیارکر ژی پێدڤێن ساخلەمیێ دڤی بارودوخی دا تایبەت پشتی ژمارەکا زۆرا ئاواران قەستا پارێزگەھا دھۆکێ کری و داخواز ژ نوشداران کر زێدەتر خوە ماندی بکەن بۆ خزمەتکرنا گەل و خەلکی، وگۆت: سەرەدانا مە بۆ لەندەن ھاتیە کرن ژی تێداچەندین تەوەر ھاتنە گەنگەشەکرن ل کوردستانێ بتنێ رێڤەبەریا گشتیی ساخلەمیی ھاتبوو دخوازکرن بۆ لەندەن پتریا لایەنێن پشکدار یێن نێڤدەولەتی بوون ئەوێن سیاسەتا تەندروستیا جیھانێ دھێتە دانان تایبەت ژی ئەو ئاستەنگێن بۆ تەندروستیا جیھانێ دروست دبن و پتر بەحسێ نەخۆشیێن ڤەگرھاتەکرن و بەحسێ وان نەخۆشیان ھاتەکرن ل جھێن قەیران لێ دروست دبن تایبەت یێن رۆژھەلاتا ناڤەراست.