ھەوەکا رەشاندنێ دژی سیسرک و کێزکا دێ دەستپێ کەت

رێڤەبەرێ کارۆبارێن خۆپاراستنا ساخلەمیێ دیارکر کو ل چەند میحوەرێن پێشمەرگەی جورەکێ سیسرکان ب رەنگەکێ زور بەلاڤبوویە و ھێزێن پێشمەرگەی بێزارکرینە و گۆت: پشتی ئەم ھاتینە ئاگەھدارکرن ھەموو بەرھەڤیێن خوە ژبۆ ژناڤبرنا وان سیسرکا و پاراستنا پێشمەرگەی کرینە و بڕیارە ھەوەکا بەرفرەە یا رەشاندنێ دژی ھەموو مێش و مۆرێن دی یێن ل وێ دەڤەرێ پەیدابووین دەست پێ بکەین.

د.بەختیار ئەحمەد، رێڤەبەرێ خوپاراستنا ساخلەمیێ ل دھۆکێ دیارکر کو ل دەڤەرا خەتارێ و دەوروبەرێن سکرێ مووسل ئەو جوری سیسرکرَ پەیدابوویە و رۆژێن چارشەمب و پێنجشەمبا بۆری ئەو ھاتینە ئاگەھدارکرن کو ل ھندەک جھێن تلسقوف ژی ئەو جوری سیسرکێ بەلاڤبوویە و وان ھەوەکا رەشاندنێ دەستپێکریە و گۆت: بریارە رۆژا ئێکشەمبی و رۆژێن ددووڤ دا ھژمارەکا تیمێن ساخلەمیێ قەستا وان دەڤەران بکەن و ھەوەکا بەرفرەە یا رەشاندنێ دەستپێ بکەن.

خویاکر ژی کو ژ ئەگەرێ بارینا بارانێ ل دەشتا نەیونەوا و لێدانا خەندەکان و بەردانا ھندەک جھا پەیدابووینە  و گۆتژی: نموونە ژوان سیسرکا ھاتینە وەرگرتن و ژلایێ زانستیڤە دگەل لایەنێن پەیوەندیدار وەکو رێڤەبەریا گشتی یا چاندنێ و کولێژا چاندنێ دێ دووڤچوونا بابەتی کەن و داکو جورێ وێ بزانین و چارەکا بنبرش بۆ بھێتە دیتن.

دیارکر ژی کو تا نھا چو کارتێکرنێن نەرێنی نەکرینە ل سەر ساخلەمیا پێشمەرگەی و دووڤچوون یا بەردەوامە کو ھەر نیشانەکا نەچاڤەرێکری بھێتە دیتن زوو بھێنە چارەسەرکرن.