حەڤتیەکێ دا دێ خزمەتێن ساخلەمیێ گەھنە شنگال

شاندەکێ ساخلەمیا پارێزگەھا دھۆکێ ئەڤرۆ 17-11-2015 سەرا قەزا شنگال دا بۆ گەھاندنا خزمەتین ساخلەمیێ دی بنگەھەکێ ساخلەمیێ ھێتە ڤەکرن دگەل دابینکرنا ھەموو خزمەتان.

د. نزار عسمەت تەیب رێڤەبەرێ گشتیی ساخلەمیا پارێزگەھا دھۆکێ دیارکرکو ئارمانج ژ سەرەدانا ساخلەمیێ بۆ شنگال ئەوە ژ نێزیکێ ھایداری پێدڤیێن ساخلەمیێ بن ل قەزا شنگال وتشتەکێ پێدڤی بۆ شنگال بکەن دبواری ساخلەمیێ دا چونکو تیرورستان شنگال یا وێرانکری چوو خزمەتین ساخلەمیێ ل شنگال نەھێلاینە وگۆتژی ھەموو ئەندازیارێن ساخلەمیێ دگەل شاندی ساخلەمیێ سەرا شنگال دان بۆ ھندی ڤەدیتنا بۆ پیدڤین ساخلەمیێ ل شنگال ئەنجام بدەن ھەر تشتەکێ پێدڤی بیت بواری ساخلەمیێ دا ئەم دێ ب ھەڤکاریا شنگال کەن.

رێڤەبەرێ گشتیی ساخلەمیا پارێزگەھا دھۆکێ خۆیا ژێ کرکو دێ بنگەھەکێ بەروەخت ساخلەمیێ ڤان نیزیکان ل شنگال ھێتە دانان بۆ خزمەتکرنا وان وەلاتین ڤەدگەرن و پێشمەرگەی قەرەمان بکەت دی ئەم خوە ئامادە کەن بۆ دانا پلانەکا پیدڤی بۆ گەھاندنا ھەموو خزمەتێن ساخلەمیێ بۆ قەزا شنگال وشاندی ساخلەمیێ سەرا ھەموو بنگەە و نەخۆشخانێن شنگال دان ژ نێزیک ھایداری بووین ب راستی ژێ تیرورستان ساخلەمیێ ل شنگال یا ویرانکری.

مەحما خەلیل قائیمقامی قەزا شنگال دیارکرکو بریار یا ھاتیە دان ھەموو رێڤەبەریێن دام و دەزگەھێن حوکمی قەستا سەر کارین خوە بکەن ھەر رێڤەبەرەکێ دەوامی نەکەت دێ پیرابوون دگەلدا ھێنە وەرگرتن و گۆت شنگال یا ویران بووی زۆر پێدڤی خزمەتان ھەیە ھەموو بوارەکی دا ئەم داخوازی دکەین ب رژدی کار بھێتە کرن بۆ گەھاندنا خزمەتێن ھەمە جۆر بۆ قەز شنگال.

د. ئەحمەد نازم جیگری رێڤەبەرێ گشتیی ساخلەمیا پارێزگەھا نەینەوا دیارکرکو دێ فەرمانەکێ دەرئیخن بۆ ڤەگەراندنا کارمەند و نوشدارین ساخلەمیێ بۆ قەزا شنگال یی نەڤەگەریت دێ پیرابوون دگەلدا ھێنە وەرگرتن ومۆچی  کارمەند و نوشدارین ساخلەمیێ یی دەڤەرا شنگال ژێ دی بۆ شنگال ھێتە رەوانەکرن داکو ل شنگال دەواما خوە بکەن وبەری چەند رۆژان ژێ ڤەدیتنەک یا ھاتیە کرن بۆ ئاڤاکرنا نەخۆشخانەکا نوو ل شنگال چونکو نەخۆشخانا نوکە ل شنگال ھەی یا ھاتیە خرابکرن ئیدی بکیر ناھێت جارەکا دێ بھێتە نوژەنکرن ودروستکرن ئەم داخوازی دکەین ھەموو شیوەیان ھەڤکاریا قەزا شنگال بھێتە کرن بۆ چیکرنا بنگەە و نەخۆشخانەیان ل دەڤەری.