وەلاتی یابانی ١١ ترۆمبیلێن ھاوارھاتنی رادەستی ساخلەمیا دھۆکێ کرن

  دپرێس کونفرانسەکی دا ب حازربوونا وەزیری پلان دانانی ل ھەرێمێ قونسلی وەلاتی یابانی   وپاریزگاری دھۆکێ ب وەکالەت وھژمارەکا رێڤەبەریێن دام ودەزگەھێن حوکمی ری ورەسمێن رادەستکرنا  ١١ ترۆمبیلێن ھاوار ھاتنی ل  ساخلەمیا پارێزگەھا دھۆکێ ھاتنە گیران.

د. نزار عسمەت تەیب رێڤەبەرێ گشتیی یی ساخلەمیا پارێزگەھا دھۆکێ دیارکرکو دانا ڤان ١١ ترۆمبیلێن ھاوار ھاتنی ژلایێ وەلاتی یابانی ب کوژمی ٥٩٠ ھزار دولارین ئەمریکی بۆ رێڤەبەریا گشتیی ساخلەمیی پینگاڤەکا زۆر گرنگە بوو چونکو ئەڤ ترۆمبیلێن ھاوار ھاتنی دێ زۆر خزمەتان گەھینە خەلکێ دھۆکێ وئاواران دێ بنە بارسڤکی ل سەر ملین مە چونکو ھەبوونا زێدەتر ژ ٢٠ کەمپین ئاواران وھەبوونا زێدەتر ژ ٨٠٠ ھزار کەسان زێدەتر ژ خەلکێ پاریزگەھا دھۆکێ و رزگارکرنا دەڤەرین کوردستانی  ئەم پێدڤی رێژەکا زێدەتر ترۆمبیلێن ھاوار ھاتنی ھەنە .

د. نزار عسمەت گۆتژی ب کیماسی ئەم پیدڤی ٣٠ ترۆمبیلێن دێ یێن ھاوار ھاتنی نە بۆ ساخلەمیا دھۆکێ داکو بشین باشتر خزمەتان پێشکیشی خەلکێ خوە بکەین ب راستی ژێ وەزارەتا پلاندانانی زۆر ھەڤکاربوینە بۆ بجە ئینانا پرۆژی و دەستخوش بۆ پارێزگەھا دھۆکێ بۆ ئیمزاکرنا گریبەستا ئینانا ١١ ترۆمبیلین ھاوار ھاتنی ژ وەلاتی یابانی ئەم داخوازی دکەین زێدەتر ھەڤکاریا ساخلەمیێ بھێتە کرن بۆ خزمەتا وەلاتیان.

ئای وایێ فومێو قونسلی وەلاتی یابانی ل عیراقێ دیارکرکو  وەلاتێ عیراق تایبەتی ھەرێما کوردستانێ بەرامبەر ھەموو جیھانی یا شەری  رێکخراوا تیرورستی داعش  دکەت ئەرکە ل سەر ھەموو وەلاتان ھەڤکاریا ھەرێما کوردستانی بکەن وگۆتژی پتر ژ دو ملیون و سی سەد ھزار کەسان ۆ ئاوارە بووینە نەچاربووینە مال ومولگێن خوە بجە بھیلن ئەم ھایدارن پرانیا ئاواران ل ھەرێما کوردستانێ ئاکنجیی بووینە  تایبەتی  ژێ ل دھۆکێ نە وسەرەرایی ھەموو قەیرانان حوکمەتا ھەرێمێ بەردەوام یا پشتەڤانیا ئاواران دکەت.

قونسلی وەلاتی یابانی ل عیراقی ئەوژی خۆیا کرکو گەلەک ژ ئاواران بیی بەھرن ژ ھاریکاریێن حکومەتان ئیک ژ ڤان ئارمانجێن مە ئەوە ئەم بشین ھاریکاریا خەلکێ ھەرێمێ و ئاواران بکەن دێ بەردەوام بن ئەم پشت  راستن دێ ب ڤان ترۆمبیلێن ھاوار ھاتنی باشتر خزمەتا خەلکێ ھەرێمێ ھێتە کرن ئەم دی ھەولدەن زێدەتر ھاریکاریا خەلکێ ھەرێما کوردستانێ بکەن چونکو وەلاتی یابانی زۆر خەمخوری ھەرێما کوردستانی یە.

بەھزاد عەلی ئادەم پارێزگاری دھۆکێ ب وەکالەت دیارکرکو ئەڤ  ١١ ترۆمبیلێن ھاوار ھاتنی ب  پشتەڤانیا حوکمەتا یابانی یێن ھاتینە کرین بۆ پاریزگەھا دھۆکێ  ئەم داخوازی دکەین بەردەوام بن چونکو ھەرێما کموردستانێ یا قەیرانەکا دارایی یا گراندا دبۆریت ئەڤە دەمەکێ درێژە دگەل دەرندەترین ریکخراوا تیرورستی داعش شەری دکەت ئەڤرۆ پێشمەرگەی یی بەرەڤانیی ژ ئاخا کورد و کوردستانی دکەت وقەرەمانیا پێشمەرگەی ل ھەموو جیھانی دەنگڤەدایە ھیبەتا تیرورستان ل سەر دەستێن پێشمەرگەی ھاتە شکاندن.