سەروکێ کوردستانێ سوپاسیا رێڤەبەریا گشتی یا ساخلەمیا پارێزگەها دهوکێ کر

خزمەتکرنا گەل و وەلاتی ئەرکێ مە هەموویانە هەر ژبەر ئەڤێ چەندێ هەمی دەما مە هەول داینە باشترین خزمەتێن ساخلەمیێ پێشکێشی وەلاتیێن خو بکەین،

دیسان د دەمێ ئوپەراسیونا رزگارکرنا شنگالێ دا نوژدار و کارمەندێن ساخلەمیێ وەک ئەرکێ خوە یێ نیشتمانی مل ب ملێ پێشمەرگەیان ڤە خزمەت پێشکێشی پێشمەرگەیان کرن و سوپاس ژبو خودێ ئەو پلانا هاتینە دانان ژ بال سەروکێ کوردستانێ ڤە گەهەشتە ئارمانجا خو و شنگال ژ دەستێ تیروریستێن داعش هاتە رزگارکرن .
جهێ شانازیێ یە جەنابی سەروکێ کوردستانێ بەرێز مسعوود بارزانی سوپاسنامەیەک پێشکێشی رێڤەبەریا مە و هەموو نوژدار و کارمەندێن ساخلەمیێ و فەرمانبەران کر ئەم ژ دل و جان سوپاسیا جەنابێ سەروکێ کوردستانێ دکەین ژبو ڤێ سوپاسیا پر بها و ئەو رێزا هەمبەری رێڤەبەریا گشتی یا ساخلەمیا پارێزگەها دهوکێ هاتیە گرتن
سوزێ ددەین هندی د شیان دا بیتن بەردەوامبین لسەر خزمەتکرنا گەل و وەلاتی'
هەژی گوتنێ یە سوپاسنامە ژ بال پارێزگەرێ دهوکێ ب فەرمی پێشکێشی رێڤەبەریا مە کر
دەقێ سوپاسنامێ
رێزدارێن رێڤەبەرییا گشتییا ساخلەمیا پارێزگەھا دھوکێ
سلاڤێن گەرم...
پشتی ئَێرشێن درندانەیێن تروریستان ژ بو کوردستانێ و بەرگریێن قارەمانانەیێن پێشمەرگە و گەلێ کوردستانێ و سەرکەفتنا وان بسەر تیروریستاندا،دخازم ژ دلڤە سوپاسیا ھەوەیێن ھێژا بکەم کو ل ئوپەراسیونا ئازادکرنا شنگالێ رولەکێ نیشتیمانپەروەری یێ ھەبووی لە پشتیڤانییا پێشمەرگە و ھاریکاریا وان و چارەسەرکرنا بریندارا و ڤەگوھاستنا وان ژ بوو نەخوشخانا و رزگارکرنا گیانێ پێشمەرگێن بریندار و ھەروەسا ھاریکاریا خەلکێ ئاوارە و بەلەنگاز .دوستخوشیێ لە ھەمی رێڤەبەر و کارمەند و پزیشکێن رێڤەبەرییا وە دکەم و ھیڤیا سەرکەتنێ ژ بوو ھەوە دخازم .رولێ ھەوە دڤێ قوناغا سەختا دیرۆکا گەلێ مەدا ،رولەکێ گەلەک بەرچاڤ و دیار و پێشمەرگانە بووە و جھێ رێزگرتنەکا تایبەتە.
بمینن ژ بو کورد و کوردستانێ
مەسعود بارزانی
سەروکێ ھەرێما کوردستانێ
١٦-١١-٢٠١٥