روژا جیھانی یا نەخۆشیا ئیدزێ ل رێڤەبەریا گشتی یا ساخلەمیا پارێزگەھا دھۆکێ ھاتە ساخکرن

٤ حالەتێن نەخۆشیا ئیدزێ ل پارێزگەھا دھۆکێ ھاتینە تومار کرن

رۆژا سێ شەمبی ١/١٢/٢٠١٥ ل ھولا رێڤەبەریا گشتیی یا ساخلەمیا پارێزگەھا دھۆکێ رۆژا جیھانی یا نەخۆشیا ئیدزێ ھاتە ساخکر، تێدا ھاتە راگەھاندن کو ٤ حالەتێن نەخۆشیا ئیدزێ ل پاریزگەھا دھۆکێ ھاتینە تۆمارکرن، ھەر وەلاتیەکێ بڤێت دشێت ل رێڤەبەریا کاروبارین خوە پاراستنێ.پشکنینا بخوە ئەنجام بدەت بیێ بەرامبەر و ئەو ھەمی پشکنینە ب نھێنی د ھێنە پاراستن. 

د. سیروان محەمەد ئەسوەد رێڤەبەری کاروبارێن تەکنیکی ل رێڤەبەریا گشتی یا ساخلەمیا پارێزگەھا دھۆکێ دیارکر ئایدز نەخۆشیەکا مەترسیدارە و مە  پلانا ئەستراتیجی بۆ کونترول کرنا وێ ئیدزێ دانایە و ھەر ھاوەاتیەکێ ژ دەرڤەی وەلاتی بھێت پێدڤیە ل دەستپێکێ پشکنین بو بھێنەکرن ل دەمێ ژنھێنانی ژێ پشکنین دھێتە کرن وئەو حالەتێن ل دھۆکێ ژی ھاتینە تۆمارکرن ھەموو ژ دەرڤەی وەلاتی ھاتینە و بەری مەھر برینی ل تاقیگەھا مەلبەندی ل دھۆکێ پشکنین دھێتە کرن بۆ ریگری کرتن ژ بەلاڤبوونا نەخۆشیا ئیدزێ.

رێڤەبەری کاروبارێن تەکنیکی ل رێڤەبەریا گشتی یا ساخلەمیا پارێزگەھا دھۆکێ دیارکر ژی مەترسیا نەخۆشیا ئیدزێ ل پارێزگەھا دھۆکێ ژی یا ھەی و ئەڤ سالە دو حالەتێن نوو یێن ھاتینە دەستنیشانکرن ل سالا ٢٠١٤ێ ژی حالەت ھەبوون ئێک ژوان ل سالا ٢٠١٥ێ گیانی خوە ژ دەست دا و نوکە ل پارێزگەھا دھۆکێ چوار حالەتێن ئیدزێ ھەنە و بەردەوام دوفچونا ڤان حالەتان دھێتە کرن ژلایێ رێڤەبەریا کاروبارێن خوە پاراستنێ ڤە و ھەر کەسەکێ بڤیت دشیت پشکنینا خوە بکەت ل رێڤەبەریا کاروبارێن خوە پاراستنی و ئەڤ پشکنینە یا نھێنی یە و بێی بەرامبەر بۆ ھاولاتیان دھێتە کرن، و گوتژی: ل پارێزگەھا دھۆکێ ل بەنکا خۆینی ژێ پشکنین دھێتە کرن تایبەتی دەمێ خوە بەخشەک خوینێ دتە نەخۆشەکی ئەو خۆین دھێتە پشکنینکرن بۆ پشت  راستبون ژ نەخۆشیا ئیدزێ.

د. نوفەل حسێن رەشید تایبەتمەندی نەخۆشیێن ڤەکر و ڤایروسا  دیارکر نەخۆشیا ئیدزێ ب سێ رێیا دھێتە ڤەگوھاستن، ئێک ب رێیا ئەنجامدانا کریارا سکسی ئەگەر کەسێ بەرامبەر ھەلگرێ ئیدزێ بیت دێ مەترسیێ ل سەر ژیانا وی دروست کەت، ئەو کەسێ توشی نەخۆشیا ئیدزێ دبیت رەنگە ھەتا پشتی٢٠ سالان لێ دیاربیت، دو ئێدز ب رێیا خۆینی دھێتە ڤەگوھاستن و تایبەتی ئەگەر خوین یا پیس بت و ڤایروسێ ئیدزێ ھەبت ئەگەر ئەو ئامیرێن خوینێ نە دپاقژ بن مەترسیا بۆ بەلاڤبوونا ئایدزی، سێ ب رێیا دووگیانیێ ژی ئیدز دھێتە ڤەگوھاستن، تایبەتی ئەگەر دایکێ ڤایروس ھەبت و شیرێ خو بدەتە زارۆیێ خوە و ل سالا  بوری نێزکی ٢٢٠ ھزار زارۆیا ل جیھانێ توشی نەخۆشیا ئیدزێ بون، و گوت: بارا پتر ژن بەرھەڤن بو توشبونا نەخۆشیا ئیدزێ و ھەتا نوکە چ چارەسەری ژی بۆ بنبرکرنا وێ ب ئێکجاری نینە و رەنگە ھەر ژ نوکە ھەتا پێنچ سالێن دی ژی چارەسەری نەبیت ھەروەسا  ھەر ژ نوکە ھەتا دەە سالێن دی رەنگە ڤاکسین بو بنبرکرنا ئیدزێ نەبیت، و گوتژی: ئیدز ب رێیا ھەوای ناھێتە ڤەگوھاستن و تڤیا خەلک بزانیت ئەو کەسێ ئیدز ھەبیت دشێت دگەل مال بژیت و ھەروەسا برێکا چونا دەستی ژی ناھێتە ڤەگوھاستن.