٢٩ نوژدار د خولەکا دەرونی دا

رێڤەبەریا گشتیی ساخلەمیا دھۆکێ ب ھەڤکاری دگەل دەزگەھی عومار یێ خیرخوازی خۆلەک بۆ ماوی ٣ رۆژان بۆ ٢٩ نوژدار و چارەسەرکارین دەروونی و پەرستارێن ل ناڤ کەمپێن ئاواران کار دکەن ڤەکر پشتی دووماھیی ھاتنا خۆلی دێ یەکێن چارەسەریا ساخلەمیا دەروونی ل ھەموو کەمپیێن ئاواران دێ ھێنە ڤەکرن 

بەھار مەحمەد سالح رێکخەرا ساخلەمیا دەروونی رێڤەبەریا گشتیی ساخلەمیا پارێزگەھا دھۆکێ دیارکرکو ٢٩ نوشدار و چارەسەرکار و پەرستار دێ ھێنە مەشقدان شیوەیەکێ باشترە بۆ چارەسەرکرنا ساخلەمیا دەروونی ئاواران ل ناڤ ١٠ کەمپێن ئاواران سنۆری پارێزگەھا دھۆکێ بۆ ھندی ئەو  نەساخێن ب مەرەما چارەسەریا دھۆکی قەستا دھۆکێ دکەن ل ناڤ کەمپا بخوە چارەسەریا وان بھێتە کرن  وھەکەر چارەسەریا نەساخەکێ گەلەک زەحمەت بیت ھێنکی ئەو نەساخ دێ بۆ نوشدارین تایبەتمەند ھێتە رەوانەکرن ل دھۆکێ وھەموو خزمەتێن دەروونی دێ یەکین چارەسەریا دەروونی ل ناڤ کەمپا ھەبن بۆ نەساخان.

گۆت ژی ئەڤ پرۆژی ب ھەڤکاریا دەزگەھی عومار یێ خیرخوازی یێ ھاتیە بجە ئینان دی بۆ ماوی سالەک ھەتا دو سالان یێ بەردەوام بیت دناڤ ھەموو کەمپێن ئاواراندن ورەنگە بەرنامە ھێدی ھێدی بھێتە بەرفرەھکرن بۆ ھەموو دەڤەران چونکو ئەڤە بەرنامە دێ بیتە پالدەر ئەو قەرەبالغ ل نەخۆشخانەیان دروست دبیت تایبەتی نەخۆشخانا ئازادی دێ زۆر کێم بیت.

بەھار مەحمەد سالح راگەھاند کو ئارمانج ژێ ئەوە یەکێن چارەسەریا دەروونی بھێنە ڤەکرن ل ناڤ ڤان ھەموو کەمپێن ئاواران چونکو ژمارا ئاوارێن نەساخ یا زێدەیە وقەستا نەخۆشخانێن دھۆکێ دکەن بۆ چارەسەری پشتی ئەڤ یەکێن چارەسەری کەڤنە کاری دا ئێدی نەساخ ژ کەمپێن ئاواران قەستا نەخۆشخانێن دھۆکێ ناکەن بۆ چارەسەریا دەروونی.