شاندەکێ نوژدارین ئەمریکێ دێ ھژمارەکا نشتەگەریێن زەحمەت ل دھۆکێ ئەنجام دەن

د. نزار عسمت: نوژدارین ئەمریکێ دێ راھێنانان ب نوشدارێن دھۆکێ کەن ل سەر چاندنا ئەندامێن لەشی

رێڤەبەرێ گشتی ساخلەمیێ ل پارێزگەھا دھۆکێ د. نزار عسمت تەیب  دیارکر کو شاندەکێ پیکھاتی ژ ١٤ نوشدار و کارمەندین ساخلەمیێ ژ وەلاتی ئەمریکا سەرا رێڤەبەریا گشتی ساخلەمیێ دھۆکێ دان بۆ ھندی خزمەتا خەلکێ دەڤەری بکەن .

د. نزار عسمت رێڤەبەرێ گشتی ساخلەمیێ ل پارێزگەھا دھۆکێ گۆت ژێ  ئەڤ سالە ھاتنا شاندی نوشدارین ئەمریکی جیوازتر ژ سالێن بۆری  ئەڤ سالە ژبلی چارەسەرکرنا نەخۆشان دێ ھژمارەکا خۆلین مەشق و راھێنانێن تایبەت یێن زۆر گرنگ  دێ بۆ نوژدارین دھۆکێ ڤەکەن دێ کورسین تایبەت ل سەر ھاوار ھاتنی دێ ھەبن و چەوانیا سەرەدەیی کرنی دگەل حالەتین تەنگاڤ  و وراھینان دی ب نوشدارێن دھۆکێ ھێتە کرن ل سەر چاندنا ئەندامێن لەشی و نەخۆشین پەنچەشیری و گەلەک نەخۆشین دێ یێن ھاتینە حازرکرن وپرۆگرامەکێ یێ ھاتیە دروستکرن بۆ ھندی ھندەک نوشدارین دھۆکێ ل وەلاتی ئەمریکا بھێنە مەشقدان ئەڤە ژێ دەستکەڤتەکێ مەزن بۆ ساخلەمیا دھۆکێ.

پرۆڤیسور د. غازی زیباری سەرۆکێ شاندی نوشدارین ئەمریکی دیارکرکو شاندی نوژداران دێ ھەتا ١٣ ڤی ھەیڤی ل دھۆکێ مینن ماوی سەرەدانا خوە دا ھەر چ یا پێدڤێ بیت بۆ پێشمەرگەھی قەرەمان دێ ھێتە کرن و ب شەڤ ورۆژ  دێ کار کەن بیی بەرامبەر خزمەتا خەلکێ خوە ل دھۆکێ بکەن ئەو جۆرین نشتەگەریێن زەحمەت یێن نەھێنە ئەنجامدان ل ھەرێمێ نوشدارین ئەمریکی دگەل نوشدارین دھۆکێ دێ پیکڤە کار کەن بۆ ئەنجامدانا وان نشتەگەریان.

د. غازی زیباری گۆت ژی ئەم دێ پەیوەندیەکا مۆکم پەێداکەن ناڤبەرا نوژدارین ئەمریکا و ھەرێمێ دا بۆ ھندی باشترین شیوە مفا ژ سەربورا خزمەتێن ساخلەمیێ ل وەلاتی ئەمریکا بھێتە وەرگرتن.

ناڤبری ئەوژی دیارکرکو نوشدارین کومار دەماران و نوشدارین بربرا پشتی و نوشدارێن نشتەگەری و یێ چاڤدیریا چر دگەل شاندی نوشدارین ئەمریکێ نە و ھەر نەخۆشیەکێ بھێتە دیتن ل ڤیری نشتەگەریا وێ یا زەحمەت ئەم دێ بو ل پارێزگەھا دھۆکێ وێ نشتەگەری کەن تایبەتی ژێ بۆ پێشمەرگەیێن قەرەمان وئەم حازرن بیێ بەرامبەر ھەموو خزمەتان بۆ پێشمەرگەی ئەنجام بدەن.

د. غازی زیباری ئەوژی دیارکرکو بتنی شاندی نوشدارین ئەمریکێ دێ پاریزگەھا دھۆکێ نشتەگەریان ئەنجام دەن دی سەرا پاریزگەھا ھەولیر وسلیمانیی و کەرکوکی ژێ ھێتە دان ل پاشەرۆژی دێ پاریزگەھا کەرکوکی ژێ چەندین نشتەگەریێن پێدڤی بۆ وەلاتیان ھێنە ئەنجام دان.