پارێزگارێ دھۆکێ سوپاسی وریزلینان کارگیریا پارێزگەھی گەھاندنا نوژدار وکارمەندین ساخلەمیێ

فەرھاد ئەمین ئەتروشی پاریزگاری دھۆکێ دگەل د. نزار عسمت طیب رێڤەبەرێ گشتی ساخلەمیا پارێزگەھا دھۆکێ و سەرۆک لقی دھوک یێ سەندیکا نوشدارین کوردستانی وسەرۆکێ لقی دھوک سەندیکا ددانان و دەرمانسازی و نوشدار وپەستار وکارمەندین ساخلەمیێ کومبوون.

فەرھاد ئەمین ئەتروشی پارێزگاری دھۆکێ دیارکرکو ئەڤرۆکە ب مەرەما سوپاسی و رێزلینان بۆ نوشدار وھەموو ستافین ساخلەمیێ ئەوین ھەتا نوکە ل سنۆری پارێزگەھا دھۆکێ ئەرکی خوە دا جھی شانازی و سەربلندیە ئەم ناڤی کارگیریا پارێزگەھا دھۆکێ ژدل سوپاسیا نوشدار وکارمەندین خوە ساخلەمیێ دکەن ، سەرەرایی ھەبونا بەربەست وھژمارەکا زۆر ئاواران ل دھۆکێ نوشدار وکارمەندین ساخلەمیێ بەردەوام بووینە دخزمەتکرنێ دا نە راوەستاینە.

پارێزگاری دھۆکێ گۆت ژی قەیرانا دارایی و رەوشا سیاسی یا دەڤەری ھاتە شروڤەکرن بۆ ھایداربوونا نوشدار وکارمەندین ساخلەمیێ وئارمانج ژێ ئەوە چەوا خوە ژ قەیرانی دەربخن چونکو رەوشا رۆژھەلاتا ناڤەراستا یا بەرەڤ نەخشەیەکێ نوو دچیت ورەنگە سنۆر بھێنە گوھورین وگیانێن سیاسی یێن نوو دروست بن لەورا ژێ یا فەرە ئەم ژێ خوە بەرھەڤ بکەن و کومبوون یێن ھاتینە کرن بۆ کیمکرنا بھایێ کلینکێن نوشداران وبازار بخوە ژێ گەلەک یێ ھاتیە خواری دێ بھا ئەرزان بیت.

 د. نزار عسمت طیب رێڤەبەرێ گشتی ساخلەمیا پارێزگەھا دھۆکێ بخیرھاتنا پاریزگاری دھۆکێ و ھەموو نوشدار وکارمەندین ساخلەمیێ کر وگۆت رۆلی ستافێ ساخلەمیێ بۆ بەرسینگرتنا قەیرانان و چەوانیا بەردەوامیا خزمەت کرنێ ھاتنە بەحسکرن ژلایێ پارێزگاری دھۆکێ ڤە و ژنێزیک بەحسی قەیرانان و چەوانیا سەردەریکرنی دگەلدا ھاتە کرن.