ل ژێر دروشمێ ئاڤاکرن و ھاریکاریا کەسێ ئوتیزمێ رۆژا جیھانی یا ئوتیزمێ ل دھۆک ھاتە ساخکرن

ل رۆژا شەمبی ٢/٤/٢٠١٦ رۆژا جیانی یا ئوتیزمێ ل ھۆلا رێڤەبەریا گشتی یا ساخلەمیات دھۆک ھاتە ساخکرن، رێڤەبەرا سەنتەرێ ناز دیارکر کو ئوتیزم رۆژ ب رۆژ بەرەف زێدەبونێ دچیت ل سەرانسەری جیھانێ و ھەرێما کوردستانێ ژی، بتنێ ل پارێزگەھا دھۆک ٤٠٠ حالەتێن ئوتیزمێ ھاتینە دەست نیشانکرن.

زوزان زەکی ئاکرەیی بەرپرسا کومەلا ئوتیزمێ ل دھۆک دیارکر ٢ نیسانێ ژلایێ نەتەوەیێن ئێکگرتی ڤە ھاتیە دەست نیشانکرن بو رۆژا جیھانی یا ئوتیزمێ ل جیھانێ بو رەوشەنبیریا گشتی، و گوت: نەخوشیا ئوتیزمێ رۆژ ب رۆژ بەر زێدەبونێ یە ل جیھانێ ھەمیێ و ھەر ٨٨ زارۆیا ئێک ژ وان ئوتیزمە، و گوتژی: ل کوردستانێ ژی ئوتیزم بەرەف زێدە بوینێ یە و ل پارێزگەھا دھۆک ٤٠٠ حالەتێن ئوتیزمێ ھاتینە دەست نیشانکرن، د ڤێ رۆژێ دا سوپاسیا رێڤەبەریا گشتی یا ساخلەمیا دھۆک دکەین بو ھارێکاریێن وان یێن بەردەوام دگەل مەدا.

حسێن عەلی رێڤەبەرێ گشتیێ چاڤدێریا جڤاکی ل پارێزگەھا دھۆک دیاکر دایک و بابێن زارۆیێن ئوتیزمێ رەنگە ماندیبونەکا مەزن ب زارۆیێن خوڤە دبەن، بەلێ پێدڤیە دایک و باب بێ ئومێد نەبن چونکی گەلەک کەسێن ئوتیزم ل جیھانێ بوینە زانایێن ناڤدارێن جیھانێ و بوینە سەرۆکێن وەلاتێن زلھێزێن جیھانی و مە ھیڤی ھەنە کو نەخوشێن مەژی دێ ل پاشەرۆژێ بنە نمونەیێن مە، و گوت: ب ھەمی شیانێن خوڤە ئەم دێ کارکەین ل سەر ئەو یاسایێن ب ڤان نەخوشان ڤە و دێ د ھاریکار بن بو ب دەست ڤە ئینانا ھەمی پێدڤیێن وان یێن رۆژانە بو پتر خزمەت کرنا کەسێن ئوتیزمێ بخو و ئەو کەسێن وان برێڤە دبەن.

د.نزار عسمەت رێڤەبەرێ گشتیێ ساخلەمیا پارێزگەھا دھۆک دیارکر گەلەک یا گرنگە ئەم باس ل ئەتیزمێ بکەین و پشتی نەخوشیا ئوتیزمێ ھاتیە دیارکرن دیاربو کو زارۆیێن ئوتیزمێ وەک زارۆیەکێ ئاسیی نینە، ژلایێ پەوەندیان ڤە کێماسی ھەنە لەورا پێدڤیێن وی د تایبەتن، و گوت: کەسێ ئوتیزمێ پەروەردەکا تایبەت و چاڤدێریەکا تایبەتە و چاڤدێریەکا تەندروستی نە و ئەگەر ھەمی پێکڤە کارنەکن دێ بیتە بارگرانیەکا مەزن لەو پێدڤیە پروگرامەکێ تایبەت بو بھێتە دانان، و گوتژی: مە ل دھۆک سەنتەرێن کەرتێ تایبەت و سەنتەرێن گشتی، پێدڤیە پشتەڤانیێ لێ بکەین بو بەرفرەھکرنا شەنتەرێ گشتی و پشتەڤانیا سەنتەرێ ناز بھێتەکرن و تایبەت وان دایک و بابێن شیانێن مادی نەبن ھاریکاری بو بھێتەکرن.