شیرەتێن ساخلەمیێ ب رێیا شانوویێ بۆ زارۆیێن ئاوارە دھێنە پێشکێشکرن
هاتیه بلاڤکرن روژا شه‌مبی, 11 خزیران 2016 - 10:38pm
شیرەتێن ساخلەمیێ ب رێیا شانوویێ بۆ زارۆیێن ئاوارە دھێنە پێشکێشکرن
د چارچووڤێ پرۆژەیێ رەوشەنبیریا ساخلەمیێ ل کەمپێن ئاوارە و پەنابەران ل پارێزگەھا دھۆکێ، ماوەیێ چەند رۆژانە ب رێیا شانوویێ شیرەتێن ساخلەمیێ بۆ زارۆیێن وان دھێنە ئاراستەکرن.
دڤی واری دا کاوە ئالیخان سەرپەرشتێ پرۆژەیێ ناڤھاتی دیارکر، رێڤەبەریا کاروبارێن خوپاراستنا ساخلەمیێ ل دھوکێ ب پشتەڤانیا رێکخراوا UNICEF رابوون ب ئەنجامدانا ھەوەکا ھشیاریا ساخلەمیێ دناڤ کەمپێن ئاوارەیێن سنوورێ پارێزگەھا دھۆکێ دا.
ئالیخانی دا زانین؛ دڤێ ھەوێ دا شیرەتێن ساخلەمیێ ب رێیا شانوگەری و بەلاڤکرنا پۆستەر و لیفلێت و پێشکێشکرنا سمیناران دھێنە پێشکێشکرن بۆ زارۆیێن دناڤ کەمپان دا، ئاماژەکر چونکە زارۆ ئەو تەخا گرنگا جڤاکی یە و بۆ ھندێ ب ساناھی رێکێن خۆپاراستنێ ژ نەخۆشیا بۆ بھێنە دیارکرن، شیرەتێن ساخلەمیێ ب رێیا شانوویێ بۆ ھاتنە پێشکێشکرن.
ھەروەسا گۆتژی؛ ئەڤ ھەوە د چارچووڤێ پرۆژەیێ رەوشەنبیریا ساخلەمیێ دایە کو بۆ ماوەیێ چەند مەھانە دەستپێکری ل کەمپێن بێرسڤێ٢ و خانکێ، کو رۆژانە چەندین تیمێن رەوشەنبیریا ساخلەمیێ خیڤەت خیڤەت دگەرن و نامەیێن خوپاراستنێ ژ نەخۆشیا پێشکێش دکەن.
ئه‌ڤ مالپه‌ره فرێکه
