رێڤەبەرێ گشتی ل گەل ھژمارەکا نوژداران کۆم دبیت

د.نزار عصمت رێڤەبەرێ گشتیێ ساخلەمیا پارێزگەھا دھۆکێ ل گەل ھژمارەکا نوژداران کۆم بوو و رەوشا کوچکرنا نوژداران بۆ ھاندەران گەنگەشەکر.

ل دەستپێکێ رێڤەبەرێ گشتیێ ساخلەمیا پارێزگەھا دھۆکێ دیارکر کو ل ڤێ دووماھیێ کوچکرنا نوژداران وەکو دیاردە ھاتیە ل قەلەم دان و گۆت: ل پارێزگەھا دھۆکێ ھژمارا نوشداران و کارمەندێن تەندروستی ب خوە یا کێمە و ل دووڤ ستاندەردێن جیھانی نینە و خالێن ل ژێر گەنگەشێ دانە دیارکر کو پێکھاتیبوون ژ ئەگەرێن ئاریشێ و چو جورە چارسەری بۆ بھێتە دیتن و چاوا پشتەڤانی ل نوژدارێن نیشتەجێ بھێتە کرن؟

ھەوروەسا دیارکر بۆ برێڤەبرنا دەزگەھێن ساخلەمیێ وان پێدڤی ب ھژمارەکا مەزن یا نوژدارا ل گەل ئاڤاھی و ئامیرە و ... ھتد ھەیە ژبلی پێشڤەبرنا شیانێن نوشدارا و گۆت: بۆ ڤێ چەندێ وان خواستیە ھژمارا وەرگرتنا قوتابیا ل کولیژا پزیشکی بھێتە زێدەکرن و ل زانکویا زاخۆ و زانکویا ئەمریکی کوردستان پشکێن پزیشکیێ بھێنە ڤەکرن.

ل دۆر ئاریشا ئاوارا ژی دیارکر کو نوکە پتری ٦٠% ژنەخۆشێن دەزگەھێن ساخلەمیێ ئاوارانە و داخوازیێن خوە گەھاندینە وەزارەتا ساخلەمیێ ل بەغدا ل دۆر دەست ب کاربوونا نوژدارێن نیشتەجێ و کارمەندێن تەندروستی وەکو بارسڤکیەک بۆ ساخلەمیا دھۆکێ.

ئاریشێن گشتی یێن نوژدارێن نیشتەجێ پێکھاتیبوون ژ کارکرن ل گەل رێکخراوان و نەخوشخانێن کەرتێ تایبەت و خواستن بۆ پێنگاڤ بۆ ڤێ چەندێ بھێنە ھاڤێتن و دیسا کار بۆ باشترکرنا رەوشا ئابووری و جڤاکی یا نوشدارا بھێتە کرن و رۆلێ راگەھاندنێ بھێتە ئەکتیف کرن.

ل بەرامبەر ڤێ چەندێ، رێڤەبەرێ گشتیێ ساخلەمیا پارێزگەھا دھۆکێ دیارکر کو پێدڤیە دەلیڤێن کاری ل بنگەھێن نوبەدار و رێکخراوا و نەخوشخانێن کەرتێ تایبەت بھێنە روخساندن و دیسا کار بھێتە کرن بۆ بلندکرنا داھاتێ دەزگەھێن ساخلەمیێ و کاراکرنا سیستەمێ نیڤ تایبەت و و ئاریشە و داخوازی و رێکێن چارەسەریێ بھێنە کۆمکرن کو بۆ لایەنێن پەیوەندیدار بھێنە ھنارتن و کار ب رژدی ل سەر بھێتە کرن.