رێڤەبەرێ گشتی ل گەل شاندەکێ کارمەندێن ساخلەمیێ کۆمبوو

ژپێخەمەت گەنگەشەکرنا ھژمارەکا بابەتێن گرێدای کارمەندێن تەندروستی، ئەڤرۆ ٢٩/٨/٢٠١٦ شاندەکێ سەندیکا کارمەندێن تەندروستی ب سەرۆکاتیا جەبار رەحیم نەقیبێ سەندیکایێ سەرەدانا رێڤەبەریا گشتی یا ساخلەمیا پارێزگەھا دھۆکێ کرن.

د کومبوونێ دا ب ئامادەبوونا یوسف حسێن ھاریکارێ رێڤەبەرێ گشتی بۆ کارۆبارێن کارمەندێن ساخلەمیێ و سەرۆک و ئەندامێن لقی دھۆک یێ سەندیکایێ بابەتێن گرێدای کارمەندێن ساخلەمیێ وەک کارکرن و نوبەداری و دەمژمێرێن کاری و مەزاختیێن بۆ دھێنە خەرجکرن ھاتنە گەنگەشەکرن و شاندی خواست پتر پشتەڤانی ل کارمەندێن ساخلەمیا دھۆکێ بھێتە کرن، ژبەر ھەبوونا ئاوارا کاودانێن وان دجودانە و خواست ئەو پشتەڤانیا دراڤی یا ژلایێ حکومەتا ھەرێما کوردستانێ بۆ کەرتێ تەندروستی ھاتیە تەرخانکرن ھەموو کارمەندێن ساخلەمیێ ڤەگریت.

د.نزار عسمت، رێڤەبەرێ گشتیێ ساخلەمیا پارێزگەھا دھۆکێ خواست بابەت بھێتە دیراسەتکرن و رەئیا دووماھیێ ژلایێ وان بھێتە رەوانەکرن داکو زیان ب چو کارمەندان نەکەڤیت و بشێوەیەکێ ھەڤسەنگ مفاداربن.