دەرچوویێن کورسێ پێشڤەبرنا شیانێن دەزگەھێن ساخلەمیی ھاتنە خەلاتکرن

ب ئامادەبوونا د. ریکەوت حەمە رەشید وەزیری ساخلەمیی حکومەتا ھەرێما کوردستانی و نوونەری زانکۆیا دھۆکێ و ریکخراوا giz ئەلمانی و رێڤەبەرێ گشتیی ساخلەمیا دھۆکێ ری و رەسمێن ب دووماھیی ھاتنا کورسیەکێ پێشڤەبرنا شیانێن دەزگەھێن ساخلەمیێ ھاتنە  گیران وتێدا چەندین پەیڤ ھاتنە پێشکیشکرن و  ھەموو نوشدارێن پێشکدار دخۆلی دا بووین ھاتنە خەلاتکرن پاشی سەرەدانا چەندێن پرۆژەیێن ساخلەمیێ ھاتە کرن.

د. ریکەوت حەمە رەشید وەزیری ساخلەمیی ل حوکمەتا ھەرێما کوردستانێ دیارکر سەرەرایی قەیرانا دارایێ و ھاتنا رێژەکا زۆر ئاواران بۆ دھۆکێ، ساخلەمیا دھۆکێ ب باشترین شیوە کار وخزمەتێن ساخلەمیێ ل نەخۆشخانەیان و بنگەھێن ساخلەمیی و کەمپێن ئاواران و پەنابەران و بەرۆکێن شەری پێشکیشکرینە ئەم سوپاسیا رێڤەبەریا ساخلەمیا دھۆکێ و ھەموو نۆشدار و ستافێن نەخۆشخانەیان و بنگەھێن تەندروستی دکەن.

د. ریکەوت حەمە رەشید گۆتژی :" پرانیا رێکخراوێن جیھانی دەمێ سەرا ساخلەمیا ھەرێمێ دەن دمینن حیبەتێ دبێژن ھوون چەوا دشێن خزمەتێن ساخلەمیی بی بەرامبەر پێشکیشی وەلاتێن ھەرێمێ و ئاواران و پەنابەران بکەن، ل ساخلەمیا دھۆکێ دۆرین ھەشت ھزار  نۆشدار وکارمەندیێن ساخلەمیێ ھەنە ل ھەولیر و سلیمانیی رێژا نۆشدار وکارمەندیێن ساخلەمیی پترە  ژ دھۆکێ،  نوکە پلانەک ل بەر دەست دایە نۆشدارین گشتی ئەڤ سالە و دەرمانسازی و نۆشدارێن ددانا یێن سالە بۆری بھێنە دامەزراندن دگەل پەرستارێن زانکۆیی بۆ وی چەندی بشین شیوەیەکی بەروەخت ژی بیت ئاریشە کیماتیا نۆشدار وستاڤی نەخۆشخانەیان چارە بکەن.