قونسل و پەرلەمانتەرێن ئیتالی سەرەدانا ساخلەمیا دهوکێ کرن

رێڤەبەرێ گشتیی یێ ساخلەمیا پارێزگەھا دھۆکێ دیارکر  قونسلا گشتیی یا وەلاتی ئیتالیا دگەل پەرلەمانتارێن ئیتالیا سەرەدانا ساخلەمیا دهوکێ دان بۆ ھندی ژ نێزیک ئاگەھداری وان پرۆژان بن ئەوین رێکخراوێن نێڤدەولەتی وەلاتی ئیتالیا و حوکمەتا ئیتالیی ل ھەرێما کوردستانێ ئەنجام دەن تایبەتی ژی ل پارێزگەھا دھۆکێ .

د. نزار عسمت تەیب رێڤەبەرێ گشتیی یێ ساخلەمیا پارێزگەھا دھۆکێ دیارکر دوھێ ٢٧/٩/٢٠١٦ شاندەکێ  ئیتالیی پێگھاتی ژ قونسلا وەلاتی ئیتالیا وپەرلەمانتاران سەرەدانا ھەر دوو پرۆژەیێن ساخلەمیێ یێ ل نەخۆشخانا ھێڤی یا زارۆیان دھێنە ئەنجامدان دان ل پاشەرۆژی ژێ دێ پرۆژە ئەنجام دەن ئەم ھیڤی دکەن وان بچاڤ دیت بیت کو پشتەڤانیا وان زۆر یا گرنگە وپێدڤیە بۆ ساخلەمیێ و داخوازی دکەین زێدەتر پشتەڤانیی بکەن ھەتا بشێن پرژۆەیێن باشتر یێن ساخلەمیێ ل دھۆکێ دروست بکەین.

ماسیمۆ ئارتینی جێکری بەرپرسی کۆمیسونا بەرگیری ل پەرلەمانێ ئیتالیا دیارکر سوپاسیا ساخلەمیا دھۆکێ دکەین بۆ وی پووتە دانی ب واری ساخلەمێ سەرەرایی ژمارەکا زۆر ئاواران ل دھۆکێ ئەم دبینن دھۆک پێدڤی پشتەڤانیا ساخلەمیێ بۆ خزمەتکرنا خەلکێ دھۆک و ئاواران، ئەو پرۆژەیێن ھەتا نوکە یێ دھێنە چێکرن ل دھۆکێ مە شیا ببینن و ھەلسەنگاندنی بۆ بکەن راستە ھاریکاریا دھێتە کرن نە ئێکسەر بیت لێ پاشەرۆژی دا دێ مفایێ وان دیاربیت یاگرنگە بزانین ئیتالیا چەوا ھەڤکاربیت بۆ پاشەرۆژی ل ھەرێما کوردستانێ چونکو پاشەرۆژا کوردستانێ بۆ مە یا گرنگە وەکو پەرلەمانتاری بو من گەلەک گرنگ بوو وان پرۆژان ببینن دەمێ ڤەدگەریمە ئیتالیا ل پەرلەمانێ ئیتالیا بەحسی پرۆژەیێن ساخلەمیێ بکەین بۆ وی چەندێ ل پاشەرۆژی بشین باشتر خزمەتا خەلکێ دبواری ساخلەمیێ دا بکەن .