ساخلەمیا دھۆکێ بەرھەڤیێن شەرێ ئازادکرنا مووسلێ دکەت

رێڤەبەرێ گشتیی ساخلەمیا دھۆکێ دیارکر ساخلەمیا دھۆکێ دگەل مەحمەد حەماش بەرپرسی رێکخراوا ساخلەمیا جیھانی ل دھۆکێ  و د. کفاح مەحمەد نوونەرێ رێڤەبەریا گشتیی ساخلەمیا نەینەوا ونوونەری رێکخراوێن نێڤدەولەتی ورێکخراوێن نەتەوەیێن ئێکگرتی بەرھەڤیێن چارەسەرکرنا ئاوارێن شەری مووسلێ و پێشمەرگەی قەرەمان کرن.

 د. نزار عسمت تەیب، رێڤەبەرێ گشتیی ساخلەمیا دھۆکێ دیارکر ساخلەمیا دھۆکێ دگەل نەخۆشخانا شێخان بەرھەڤیێن خوە کرن ل سەر چەوانیا پیشتەڤانیا پیشمەرگەی دەمێ ئوپەراسیۆنا کونترولکرنا نەینەوا و ئاواران و دگەل رێکخراوێن ساخلەمیا جیھانی و ریکخراوێن نەتەوەیێن ئێکگرتی و رێکخراوێن نێڤدەولەتی ژێ بەرھەڤیێن شەرێ ئازادکرنا مووسلێ دبواری ساخلەمیی دا ھاتنە کرن و دانانا پلانەکا توکمە بۆ ئاوارێن شەری نەینەوا 

دوو ئارمانجین سەرەکی پلانا بخوڤە گرتینە ئارمانجا ئێکی نەھێلانا بەلاڤبوونا نەخۆشیان ورێ گرتن ل بەلاڤ بوونا نەخۆشیا و ئارمانجا دویێ ژێ  گەھاندنا ھەموو خزمەتێن تەندروستی بۆ ئاواران ل ھەر جھەکێ بن، بۆ نەھێلانا بەلاڤبوونا نەخۆشیان ١٦ تیم ھاتنە دروستکرن دێ ١٢ ژوان تیما ندێ کاری ڤاکسێندانی ئەنجام دەن ھەموو زارۆیێن ١٥ سالیی کیمتر دێ ھێنە ڤاکسیندان دەمێ کونترول کرنا مووسلێ وھاتنا ئاوارێن شەری مووسلێ دژی نەخۆشیا ڤالنجا زارۆیان و نەخۆشیا سورکا و شەش تیمین دێ ژی دێ کارکەن بۆ کونترولکرنا ھەموو حالەتێن مەترسیدار ب لەز دەست نێشان و تۆماربکەن  بۆ وی چەندی نەخۆشی بەربەلاڤ نەبیت کونترول ل سەر ھەموو حالەتان بھێتە کرن.

د. نزار عسمت ئاشکرا کر کو ٤٠ تیمین گەرۆک ھاتێنە دروستکرن دێ خزمەتێن ساخلەمیی گەھینە ئاواران ل ھەموو دەڤەران ل دەشتا مووسلی و ناڤ کەمپ ودناڤ ئاڤاھیێن ھەیکەل دا ل ھەر جھەکێ ئاوارە لێ ئاکنجیی ببن زێدەباری ٣٣ ترۆمبیلێن ھاوار ھاتنی دێ خزمەتا ئاوارێن شەری ئازادکرنا مووسلێ دا بن دێ ئاواران چارەسەر کەن ل دەشتا نەینەوا ھەکە حالەت تەنگاڤ بیت دێ ڤەگوھیزن بۆ نەخۆشخانێن دھۆکێ بۆ چارەسەرێ.

رێڤەبەرێ گشتیی ساخلەمیا دھۆکێ دیارکر دوو یەکەکا مەیدانی یا چارەسەری دێ ژلایی رێکخراوا نوشدارین بیی سنور ڤە ھیتە دانان بۆ ئاوارین شەری مووسلێ دێ ئیک ل نێزیک گۆندی خەتاری بیت ل دەڤەرا ئەلقوش و یا دیتر دی ل دەڤەرا رەبیعە ھێتە دانان بۆ چارەسەریا ئاوارین شەری نەینەوا  ھەکە شیانێن واندا نەبیت دی نەخۆشی بۆ نەخۆشخانێن دھۆکێ رەوانە کەن.

د. نزار گۆتژی:" پلانا پشتەڤانیا پێشمەرگەی ژی ھاتە دانان چوار جە ھاتێنە دەست نیشان ل گۆر پرۆسیا ئازادکرنا مووسلی دێ چاڤدیریا سەرەکێ وان پێشمەرگە بیت دێ سەنگەرین بەراھیی ترۆمبێلین ھاوار ھاتنی ھەبن، نەخۆشخانا تەنگاڤیان ل دھۆکی و قەزا ئاکری د ئامادەباشی دانە و بەنگا خۆینی ھەموو بەرھەڤیێن خوە کرینە بۆ دابینکرنا خۆینی دێ ساخلەمیا دھۆکێ کار کەت بۆ پشتەڤانیا پیشمەرگەھێن قەرەمان ل بەرۆکێن شەری کونترولکرنا باژێرێ نەینەوا.