کۆمەلا نوشدارێن کورد ل نەمسا دەست ڤەکرنا خۆلێن راھێنانێ ل سەر ڤێراگەھشتنێن تەنگاڤیا بۆ پێشمەرگەی کرن

رێڤەبەرێ گشتیی ساخلەمیا ل پارێزگەھا دھۆکێ دیارکر کۆمەلا نوشدارێن کورد ل وەلاتی نەمسا دەست ب مەشقدان وراھێنانا ھژمارەکا پێشمەرگەی کرن ل سەر ڤێراگەھشتنێن تەنگاڤیا ب مەرەما بھێزکرنا شیانێن کارمەندێن ساخلەمیێ یێن پێشمەرگە، بۆ وی چەندی ل سەنگەرێن بەرەڤانیی باشتر خزمەتا پێشمەرگەی بھێتە کرن.

د. نزار عسمت، رێڤەبەرێ گشتیی ساخلەمیا ل پارێزگەھا دھۆکێ دیارکر خۆلا راھێنانێ یا کارمەندێن ساخلەمیێ یێن پێشمەرگە ل سەر ڤێراگەھشتنێن تەنگاڤیا ھاتە ڤەکرن دێ تێدا چەندین بابەتێن نۆشداری ھێنە بەحسکرن وەکو تەنگاڤیێن دلی وسیستەمێ خوینێ و ڤەژاندنا زیندی یا دەستپێکێ و خوینبەربوون وشوک زێدەباری تەنگاڤیا سیستەمێ ھەناسەندانێ  و راھێنانێن پراکتیکی  مەرەم سەرەکی ئەو  ژیانا پێشمەرگەھیێن قەرەمان ل بەرۆکێن شەری بھێتە پاراستن ھەموو خزمەتێن ھاوارھاتنی و ڤێراگەھشتینێن تەنگاڤیا بۆ پێشمەرگەی بھێنە ئەنجامدان.

د. بیگەس دەرویش ئەندامێ کۆمەلا نوشدارێن کورد ل وەلاتی نەمسا دیارکر دێ چەندین خۆلێن راھێنانی و مەشقدانی بۆ کارمەندێن ساخلەمیی یێن پێشمەرگە ل بەرۆکێن شەری ھێنە ڤەکرن بۆ پتر خزمەتکرنا پێشمەرگەی قەرەمان، چەندین نوشدارێن تایبەتمەند دێ سمیناران پێشکیش کەن ل سەر چارەسەکرنا روێدانێن سیستەمێ ھەستیان ولڤینان و ھەلگرتن و ڤەگوھاستنا برینداران  زێدەباری سەردەریکرن دگەل برینان ئارمانج ئەو شیوەیەکێ زانستی سەردەریکرن وچارەسەریا برینان بھێتە کرن.