بنگەھی ساخلەمیێ ل کەمپا زیلکان ھاتە ڤەکرن

ئەڤرۆ ١٢/١١/٢٠١٦رێڤەبەرێ گشتیی ساخلەمیا دھۆکێ پێشوازیا بارونا ئیمانیکلسون سەرۆکا دەزگەھی عەمار یێ خیرخوازی ل وەلاتی بریتانیا کر وسەرەدانا قائیمقامیا قەزا شیخان و نەخۆشخانا شیخان یا گشتیی ھاتە کرن ل کەمپا زیلکان بنگەھەکی تەندروستی بۆ خزمەتکرنا ئاواران ھاتە ڤەکرن. 

د. نزار  عسمت تەیب رێڤەبەرێ گشتیی ساخلەمیا دھۆکێ دیارکر ئەڤە نە بنگەھی تەندروستی ئێکی دەزگەھی عەمار دروست دکەت بەلکو سیی بنگەە دروستکرینە ل کەمپێن ئاواران و بەردەوام پشتەڤانیی ل ساخلەمیا دھۆکێ دکەن، ٨٠ ھزار دولار تیچووی بنگەھی ساخلەمیی نە ل کەمپا زیلکان و کوژمەکێ پاری تەرخانکرینە بۆ بەردەوامی دانی ب خزمەتێن بنگەھی تەندروستی ل ناڤ کەمپی.

د. نزار  عسمت تەیب گۆتژی:" ھاتنا ژمارەکا  زور یا ئاوارە وپەنابەران بو سنورێن پارێزگەھێ بارگرانییەکا مەزن ئێخستیە سەر ھەموو کەرتێن خزمەتکاری تایبەتی کەرتێ ساخلەمیێ ئەم سوپاسیا وەلاتێ بریتانیا وخانم بارونا ئیمانیکلسون دکەن بۆ وان ھاریکاریێن تەندورستی یێن بو کەرتێ ساخلەمیێ پێشکێش دکەت وخواست ئاستێ وان ھاریکاریا پتر لێ بھێت دا سازیێن تەندورستی باشتر خزمەتا  خەلکێ پارێزگەھێ وئاوارە وپەنابەران بکەن.

بارونا ئیمانیکلسون، سەرۆکا دەزگەھی عەمار یێ خیرخوازی ل وەلاتی بریتانیا دیارکر حکومەتا ھەرێما کوردستانێ خزمەتێن زۆر باش پێشکیشی ئاواران کرینە ،حکومەتا بریتانیا دێ ھەموو شیانێن خوە یا ھەڤکار بیت دگەل سازیێن حکومەتا ھەرێما کوردستانێ بۆ باشکرنا رەوشا ساخلەمیی ل ھەموو دەڤەران سوزی ددەن ھاریکاریێن تەندورستی بۆ بنگەھێن ساخلەمیێ  ل ناڤ ودەرڤەی کەمپان زێدەتر دابین بکەن ئەم ھەموو پێکڤە کاربکەن بۆ نەھێلانا تیرۆرستان وباشکرنا ساخلەمیا گشتیی یا خەلکێ.