نوژدارێن ئەمریکی دێ خزمەتا پێشمەرگەیی و وەلاتێن دهوکێ کەن

ئەڤرۆ ١٨/١٢/٢٠١٦ رێڤەبەرێ گشتیی ساخلەمیێ ل پارێزگەھا دھۆکێ پێشوازی لیوا محسن محمد نوونەری وەزارەتا پێشمەرگەی و  شاندێ پشتەڤانیا نشتەگەری و نوشداریا ھەموو جیھانێ وەلاتی ئەمریکا کر ئەڤ شاندی نوشداران پێگھاتی بوون ژ ١٥ نوشدارین تایبەتمەند دبوارێن نشتەگەریان دێ چارەسەریا وەلاتیان و پیشمەرگەی قەرەمان کەن. 

د. نزار عسمت تەیب رێڤەبەرێ گشتیی ساخلەمیا پارێزگەھا دھۆکێ دیارکر ب ھەڤکاری دگەل نوونەراتیا ھەرێما کوردستانێ وەلاتی ئەمریکا و وەزارەتا پێشمەرگەی ل کوردستانێ دگەل دکتور پروڤیسور غازی زیباری شیاینە بەرھەڤێ بۆ گرۆپی نوشدارێن ئەمریکی بکەن ئەڤە چەندین جارا ھاتینە بەری نوکە ژی لێ ڤی جاری شیوەیەکێ مەزنتر قەستا ھەرێما کوردستانێ بتایبەتی ژی پارێزگەھا دھۆکێ کرینە گروپەک ژوان ل ھەولیر دێ نشتەگەریان ئەنجام دەن و گرۆپەک ژێ دێ دھۆکێ چارەسەریا وەلاتیان و پێشمەرگەی قەرەمان کەن.

د. زار عسمت تەیب  دیارکر بۆ ماوی پتر ژ دوو حەڤتیان ئەڤ شاندی نوشدارێن بیانێ دێ پارێزگەھا دھۆکێ بن ھندەک ژوانا ھەتا رۆژا ٢٥/١٢/٢٠١٦ دێ چارەسەریا کەن و ھندەک ژێ دێ مینن ھەتا رۆژا ٢/١/٢٠١٧ دێ نشتەگەریان و مەشق وراھێنان ب نوشدارێن کوردستانێ کەن ئەو چارەسەریێن ب زەحمەت دێ ھێنە کرن ئەم وەکو رێڤەبەریا گشتیی ساخلەمیا دھۆکێ زۆر سوپاسیا وان دکەین کو زەحمەت کێشاین وقەستا دھۆکێ کرین بۆ چارەسەریا وەلاتیان و پێشمەرگەی قەرەمان.