ساخله‌میێ هه‌وه‌كا سه‌رتاسه‌رى یا پاقژیێ ل كه‌مپێن ئاواره و په‌نابه‌ران ئه‌نجامدان
هاتیه بلاڤکرن روژا سێ شه‌مبێ, 10 کانونا مه‌زن 2017 - 10:27pm
د چارچووڤێ پرۆژه‌یێ ره‌وشه‌نبیرییا ساخله‌میێ دا ل كه‌مێن ئاواره و په‌نابه‌ران دا ل سنوورێ پارێزگه‌ها دهۆكێ هه‌ژماره‌كا هه‌وێن پاقژكرنێ هاتن ئه‌نجامدان.
شكری سلێمان سه‌رپه‌رشتێ تیمێن ره‌وشه‌نبیریا ساخله‌میێ ل كه‌مپان دیاركر، د به‌رده‌وامییا كارێن رێڤه‌به‌رییا كاروبارێن خوپاراستنا ساخله‌میێ دا ل پارێزگه‌ها دهۆكێ یێن د ناڤ كه‌مپێن ئاواره و په‌نابه‌ران دهێن ئه‌نجام دان و ب تایبه‌ت د وارێ ره‌وشه‌نبیرییا ساخله‌میێ دا هه‌ژماره‌كا هه‌وێن پاقژكرنێ هاتن كرن.
سه‌رپه‌رشتێ تیمێن ره‌وشه‌نبیریا ساخله‌میێ گۆتژى: ئارمانج ژ سازكرنا هه‌وێن پاقژكرنێ پتر هشیاركرنا ئاواره و په‌نابه‌رێن كه‌مپێن پارێزگه‌هێ یه بۆ هندێ گیانێ وان ژ هه‌ر نه‌خوه‌شییه‌كا ژێ په‌یدا بیت یێ پاراستى بیت، دوپاتكر ژى كو هه‌وێن پاقژكرنێ ب هه‌ڤكارى د گه‌ل بوردا كاروبارێن مرۆڤاتى و كارگێریێن كه‌مپا و سازیێن و خه‌لكێ كه‌مپان ب پشته‌ڤانییا رێكخراوا UNISEF دهێنه ئه‌نجام دان.
دا زانین ژى، پرۆژه‌یێ ره‌وشه‌نبیرییا ساخله‌میێ د ناڤ كه‌مپان دا ماوه‌یێ ساله‌كێ یه دهێت ئه‌نجام دان كو نها هه‌ژماره‌كا تیمان رۆژانه دناڤ خیڤه‌تان دگه‌رن و بابه‌تێ خوه‌پاراستنێ ب رێیا نامیله‌كه و لیفلێت و سیمناران گه‌هینن ئاواره و په‌نابه‌ران.
ئه‌ڤ مالپه‌ره فرێکه
