وشیارکرنا ساخلەمیی بۆ ئاوارێن مووسل ڤەگەریاین دەستپێکر

بەرپرسی پشکا راگەھاندنی ل رێڤەبەریا گشتیی یا ساخلەمیا دھۆکێ دیارکر ئەڤرۆ ١٠/١/٢٠١٧ ب ھەڤکاری دگەل رێکخراوا یونسیف ساخلەمیا دھۆکێ ھەوا ھوشیارکرنا ساخلەمیی دژی نەخۆشیا سورکا و گوریبوون و زکچوونی و کولیرا و ڤالنجا زارۆیان و ڤاکسیندانی ل کەمپا نێرگزلیە ئێک ل دەڤەرا شیخان بۆ ئاوارین ژ مووسل ڤەگەریاین دەستپێکر.

شەمال مەحمەد ئەدیب ، قائیمقامێ قەزا شێخان ب وەکالەت دیارکر بۆ خوەپاراستنی ژ نەخۆشیان ساخلەمیا دھۆکێ دگەل یونسیف دەست ب ھەوەکا مەزن ھوشیاری کرن ل ناڤ کەمپی دا دێ تێمین ساخلەمیی ب ریێن خوە رێنما خوە پاراستنی ژ نەخۆشیان گەھینتە ئاوارێن ژ مووسل ڤەگەریاین بۆ نەھێلانا بەلاڤبوونا نەخۆشێن مەترسیدار و ھاندانا وەلاتیان بۆ ڤاکسیندانی و شیردانا سروشتی.

حەمزە رەزیکی، بەرپرسی پشکا راگەھاندنێ ل رێڤەبەریا گشتیی یا ساخلەمیا دھۆکێ دیارکر ئەڤ ھەوا ھوشیارکرنی دی یا بەردەوام بیت بۆ ھەموو ئاوارین مووسل یێن نھا قەستا ھەرێما کوردستانێ دکەن ھەموو دەڤەرێن ھاتینە رزگارکرن ژلایی پێشمەرگەی کوردستانێ دێ ھەوا ھوشیاری لێ دەست پێ بکەت 

رەزیکی گۆتژی:" ئەڤ ھەوا ھوشیارکرنی دی دژی نەخۆشیا گوریبوون و کولێرا و رشک و سپی  وزکچوون و ڤاکسیندان و ڤالنجا زاررۆیان وچەندین نەخۆشین دێ بیت چونکی ئەڤ نەخۆشیا ل ناڤ کەمپان بەلاڤ دبن دێ ئەو ھەوەیێن ھوشیاری بۆ خوە پاراستنی ژ ڤان جۆرێن نەخۆشیان یا بەردەوام بیت بۆ پاراستنا ساخلەمیا گشتیی.