روینشتنەکا ڤەکری ل ساخلەمیا دهوکێ

  ئەڤرۆ ١٩/٢/٢٠١٧ رێڤەبەریا گشتی ساخلەمیا دھۆکێ روونشتنەکا ڤەکری دگەل ئەندامێن پەرلەمانێ عیراقێ و ھەرێما کوردستانێ و جڤاتا پارێزگەھا دھۆکێ ئەنجامدان ل سەر پەیام وئارمانجێن ئەستراتیجی و ژێدەر وخزمەت وخالێن گڤاشتنێ وپێدڤین ساخلەمیێ ل دھۆکێ 

د. نزار عسمت تەیب، رێڤەبەرێ گشتیی ساخلەمیا پارێزگەھا دھۆکێ بۆ ئەڤرۆ دیارکر ب مەرەما زێدەتر دان وستاندنێ ل سەر رەوشا ساخلەمیا نوکە ئەم تێدا دەرباز دبن ئەو ئاریشین کەڤنە ریێا ساخلەمیێ دا ئەم نەشین وەکو پێدڤی خزمەتا خەلکێ خوە بکەن، ساخلەمیا دھۆکێ پلان دانابوو بۆ ئاڤاکرنا نەخۆشخانا تەنگاڤیان و نەخۆشخانا زارۆکبوونی و پەنچەشیری ونەخۆشخانەکێ ل شێلادزی و ئێک ژی ل بەردەرش دگەل سەنتەرێ چاندنا ھەستی مێشکی و سەرۆکێ حکومەتا ھەرێما کوردستانێ ئەڤ پرۆژە پەسەند کربوون دەست بکاری ژێ ھاتبوو کرن لێ قەیرانا دارایی و شەرێ رێکخراوا تیرۆرستێ داعش پرۆژە راگرتن.

رێڤەبەرێ گشتیی ساخلەمیا دھۆکێ گۆت مە گەلەک ھەولدان کرینە سیتەمی تەندروستی پێشڤە ببەن ھەموو وارەکی دا وچەندین نەخشە رێکا ھاتنە دانان بۆ پێشڤەبرنا سیستەمێ ساخلەمیێ وەکو جۆداکرنا کەرتی تایبەت و گشتی و بیما ساخلەمیێ و ئەلکترونیکرنا سیستەمێ ساخلەمیی و سیستەمێ پێشکیشکرنا خزمەتان و ئەم یێ بەردەوام تێدا کاردکەین.

د. نزار عسمت تەیب گۆت ھەر دەە ھزار کەسان چوار نوشدار بەردکەڤن سالین بۆری ئەڤ رێژا زێدەتر بوویە ھەروەسا ژێ ھەر دەە ھزار کەسان  ١٠ پەرستار بەردکەڤن ئەڤ ھەژمارا نوشدار و پەرستاران زۆر دکیمن بەرامبەر رێژا ئاکنجین دھۆکێ و ھاتنا ئاواران وپەنابەران.

رێڤەبەرێ گشتیی ساخلەمیی ئاشکرا کرکو خەرجێن دارایی سالا ٢٠١٦ ل دھۆکێ ٢٥٥ ملیار و ٨٩٤ ملیون دینار بوون ئەڤ خەرجیە بۆ ھاتنا ڤێ ژمارا زۆر ئاواران وپەنابەران زور کیمە وخەرجێن دەرمانان زورن ھەروەسا ژێ رێژا تەختێن نەخۆشخانان یا کێمە.

ئاماژە دا وی چەندی کو ھیچ بۆدجەک بۆ ئاواران و پەنابەران نەھاتیە دابینکرن بۆ خزمەتێن ساخلەمیێ وھژمارا کەمپا گەھشتە ٢٧ کەمپێن ئاواران و پەنابەران ڤان ھەموو کەمپا خزمەتێن ساخلەمیێ پێدڤینە کارکرن ٢٤ دەمژمیران زور زەحمەتە ھەکە نەھێنە کرن دێ نەخۆشی پەێدابن وەکو کولیرا  ونەخۆشیا سورکا و فالنجا زارۆکان ...ھتد لێ تیمین ساخلەمیێ دھۆکێ بەردەوام کارکرینە ھەر ژ دەستپێکا ھاتنا ئاواران ھەتا نوکە ژی نەھێلاینە چوو نەخۆشیی پەێدابن بێ ھاریکاریا وەکو پێدڤی بھێتە کرن بۆ ساخلەمیێ.

د. نزار عسمت تەیب، رێڤەبەرێ گشتیی ساخلەمیا پارێزگەھا دھۆکێ دیارکرکو دو ملیون ئاواران سەرەدانا نەخۆشخانێن دھۆکێ کرینە ونشتەگەری بۆ پتر ژ ١٣ ھزار کەسان یێن ھاتینە کرن و گەلەک ئاوارە و پەنابەر ل نەخۆشخانەیان یێن ھاتینە نڤاندن ئەڤە ھەموو بارگرانیی نە ل سەر دەزگەھێن ساخلەمیێ سەرەرایی نەبوونا بۆدجەکا تایبەت ئەم بەردەوام خزمەتا ئاواران و پەنابەران دکەین.

زێدەتر گۆت: سەرەرایی کیمیا دەرمان و پێدڤین نوشداری و تاقیگەە بەردەوام ل ساخلەمیێ کار دھێتە کرن بارگرانیەکا زۆر مەزن ل سەر دەزگەھێن ساخلەمیی ھەیە، مەترسیا داخستنا نەخۆشخانا وبنگەھێن ساخلەمیێ وبێ بەشبوونا وان ژ نوشدار و کارمەندێن ساخلەمیێ راستی ژێ پێدڤیە دامەزراندن ل ساخلەمیێ نەھێتە راوەستاندن چونکو راوەستاندنا دامەزراندنی زیان دگەھیتە کەرتی ساخلەمیێ.

رێڤەبەرێ گشتیی ساخلەمیا دھۆکێ خۆیا ژی کر کو تەمامکرنا نەخۆشخانێن دھۆکێ وەکو نەخۆشخانا تەنگاڤیا و زارۆکبوونی و پەنجەشیری و نەخۆشخانا قەزا ئامیدیی و نەخۆشخانا بەردەرش زۆر یا گرنگە زێدەباری تاقیگەھا پیشکنینا کەرەستێن خۆارنی ئەڤە پێدڤێن زۆر گرنگن، زێدەباری تەرخانکرنا بۆدجەکا تایبەت بۆ ئاواران وپەنابەران بۆ خزمەتێن ساخلەمیی ، ھەروەسا دامەزراندن یا بەردەوام بیت ب مەرەما خوە پاراستنی ژ پەککەڤتنا سیستەمی ساخلەمیێ.