ساخلەمیا دهوکێ و پەرلەمانتەرێن کوردستانێ دیڤچوونا سێ حالەتان دکەن

د. نزار عسمت تەیب رێڤەبەرێ گشتیی ساخلەمیا پارێزگەھا دھۆکێ دیارکر ئەم وەکو لایەنێ حکومی زۆر ب دادپەروەرانە دێ سەرەدەریێ دگەل حالەتی کەن بۆ ھندی راستی دیاربیت

 ئێکەم جار راستی یە و سزادان چونکو مە دڤیت ئەو کیماسیی و شیاشین دروست بن راستڤەکەین و نەھێلین.

د. نزار عسمت تیب ریڤەبەرێ گشتی ئاشکرا کر دەزگەھێن ساخلەمیێ ژ وان دەزگەھانە سەرەدەریی دگەل ژیانا وەلاتیان دکەت دەمآ نەخۆش دھێتە نەخۆشخانی یان دێ نەخۆشیا وێ چارەسەر بیت یان  دێ پاشمایێن چارەسەری ھەبن ونەخۆشی رەنگە ھندەک کیماسی ھەبن یان ژی خودی نەکەت دێ گیانی خوە ژ دەست دەت ئەڤە ئەنجامێن وێ کەسی نە یێ سەرەدانا نەخۆشخانێ دکەت ژبەر ڤێ چەندی یا دیارە پیشبینی دھێتە کرن حالەتێن مرنی ھەبن ھەکە حالەتێن مرنێ ھەبن دێ ڤەکۆلین لسەر هێنە کرن.

د. نزار عسمت گۆت: سالا بۆری ٧١  نشتەگەری هاتینە ئەنجامدان  ل دەزگەھێن ساخلەمیا دھۆکێ ئەڤ سێ حالەتێن مرنێ یێن چیبووین بۆ مە گەلەک نەخۆش بوون ل گۆری ستاندەرێن جیھانێ ھیشتا کیمتر ژ گەلەک وەلاتین دێ یێن جیھانێ ئاستی ساخلەمیێ ل دھۆکێ گەلەک باشترە ژ گەلەک دەولەتان سەرەرایی ھەبوونا قەیرانان بیگومان داخوازی وئاستەنگ و کیماسی زۆرن.

رێڤەبەرێ گشتی ساخلەمیی پێرابوونێن ئێداری بەرامبەر ھەر کیماسیەکی َیێن ھاتینە کرن و پیرابوونێن تەکنیکی ژێ بۆ نەھێلانا کیماسیان یێن ھاتینە کرن ئەم بەردەوام ڤەکۆلینی ل سەر ھەموو حالەتان دکەین.

عەمەر کوچەر  ئەندامی پەر لەمانی کوردستانێ دیارکر پێدڤیە نەخۆشخانا بھێنە ئاڤاکرن و نوشدار وپەرستار بھێنە دامەزراندن ئەڤە سێ سالن دامەزراندن ھاتیە راوەستان ڤێ چەندی فشارەکا مەزن ل سەر دەزگەھێن ساخلەمیێ دروستکریە پێدڤیە دەرگەھی دامەزراندنی بۆ ساخلەمیێ ڤەکریبت بۆ ھندی کیماسی دەزگەھێن ساخلەمیێ دا دروست نەبن.

عومەر کوچەر خۆیا ژی کر سێ لیژنێن ڤەکۆلینی ھاتینە دروستکرن بۆ گیان ژ دەستدانا ڤان وەلاتیان دوسیە ل دادگەھی نە ئەم دێ ل دادگەھی ژێ دوڤچوونی ل سەر کەن ئەنجام بگەھنە بەر دەستێن مە بۆ ھندی یێ خەمساری کربیت دێ سزایی خوە وەرگریت.

عبداللە جاسم ئەندامێ لیژنا تەندروستی ل پەرلەمانێ کوردستانێ دیارکرکو راستی ژێ فشارەکا مەزن ل سەر ساخلەمیێ ھەیە دروستبوونا چەند حالەتان یێن گیان ژدەستدانا وەلاتیان ل دەزگەھێن ساخلەمیێ ئەم ل سەر راوەستاینە دوڤچوونی ل سەر دکەین وئەڤ حالەتێ ڤێ دووماھیی یێ گیان ژ دەستدانا کچەکێ ل نەخۆشخانا زاخو لیژنەکا ڤەکۆلینی بۆ دوڤچوونی ل سەر ھاتیە پێک ئێنان ب ئامادەبوونا دادوەری گشتیی ل دەمەکێ نێزیک دی ئەنجام دیاربن.

خۆیا ژی کر ئەنجام بۆ رایا گشتی دێ ھێنە ئاشکراکرن ژلایێ دادوەری و بزیشکی ڤە وئەم دلنیایی دداینە وەلاتیێن خوە کو دەزگەھێن ساخلەمیی سەرەرایی قەیرانی و فشارەکا مەزن ژبەر ئاواران و پەنابەران بەردەوامی یێ خزمەتا خوە دکەن و کار دکەن.

د. عبداللە جاسم ئاشکرا کر سالا ٢٠١٦ پتر ژ چوار ملیون کەسان سەرەدانا دام و دەزگەھێن ساخلەمیێ ل پارێزگەھا دھۆکێ کرینە ئەڤە ھەژمارەکا ئێکجار مەزنە و پتر ژ ٧١ ھزار نشتەگەری یێن ھاتینە ئەنجامدان ئەڤ ھژمارا نەیا کێمە ئەڤە نە ئەوا ئەم یێ بەرەڤانیی ژ ساخلەمیێ دکەن ئەڤە راستیەکا پێدڤیە بھێتە دیارکرن.

ئەندامێ لیژنا ساخلەمیێ ل پەرلەمانێ کوردستانێ گۆت:" ل وەلاتین پێشکەڤتی یێن جیھانی سالانە پتر ژ دو سەد وپێنچی ھزار کەسان ل دەزگەھێن ساخلەمیی ژبەر خەمساریا نوشداری گیانی خوە ژدەست دەن،  دەزگەھێن ساخلەمیێ ل کوردستانێ کارەکی پێشچاڤ دکەن  ھەر شاشیەکا بھێتە کرن پێدڤیە بھێتە سزادان وبەردەوام دوڤچوون ھەبیت ئەڤ ھەر سێ حالەتێن رووداین دێ دادگەھی ھێنە ئیکلایکرن ودادگەە مافی چوو کەسان بەرزە ناکەت.

د. عبداللە جاسم گۆت پێدڤیە دەزگەھێن راگەھاندنی شیوەیەکی پرۆڤیشنال کاری خوە ئەنجام بدەن خەلکەکێ نەھێتە ھاندان بەروڤاژی دەزگەھێن ساخلەمیی بگەھن چونکو دێ ئەنجامێن خراب ل سەر کۆمەلگەھی مە دروست بن پێدڤیە راستی بھێتە دیارکرن.