د.نزار عصمهت: پارێزگهها دهۆكێ پێدڤی ب پتر ژ 3500 پهرستاران ههیه.
ل رۆژێن 26-27 شواتێ، ل زانكۆیا ئهمریكی یا كوردستانێ، سیمپزیومهك هاته سازكرن ل دور گرنگیا ڤهكرنا كولیژهكا پهستاری ل زانكۆیا ناڤبری.
د. نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو پێدڤیه خودان پێشهیێن پهرستاری وئهكادیمیێن واری پهرستاری دا چهندین دانوستاندنێن هێژا بكهن بۆ وێ یهكێ پرۆگرامێن فێركرنێ ل زانكۆیا پێشڤهببهن وپتر بهێز بێخن وباشترلێ بكهن وبگههنه وی ئاستی كو ئهو پهرستارێ دهردچن بشێن خزمهتهكا باشتر بكهن.
رێڤهبهرێ گشتیێ ساخلهمیا پارێزگهها دهۆكێ ل دور ڤهكرنا كولیژا پهرستاری ل زانكویا ئهمریكی یا كوردستانێ دیاركر كو مفادارێ ئێكێ خهلكێ مهیه ومفادارێ دویێ ژی ساخلهمیا پارێزگهها دهۆكێ یه و دێ مفایی ژ ڤان پهرستاران وهرگرین كو بشێن ل دام ودهزگههێن ساخلهمیێ ونهخۆشخانهیان كاربكهن ل ئاستهكێ باشتر وپووتهدان ب پهرستاران كارهكێ زۆرێ گرنگ و پێدڤیه و گۆت: هندی ئاستێ پهرستاری باشتر بیت و كهساتیا وان هێژای تربیت وسهرهدهریا وان دگهل نهخۆشان باشتر بیت، دێ خهلك گهلهك یێ رازی بیت ژ خزمهتێن تهندروستی، ژبهر ڤێ چهندێ پووتهدان ب پێشڤەبرنا زانستێن پهرستاریێ دێ یا بهردهوامبیت.
د. نزار عصمهت گۆت: زانكۆیا ئهمریكی ل كوردستانێ ل بهره كولیژهكا پهرستاری و زانستێن نوشداری ل پاشهرۆژێ ڤەکەت، ئهڤه ههموو دێ بنه زێدههی ل سهر وان زانكۆیێن دی یێن ڤان پیشهیان بهرههم دئینن ل كوردستانێ وئاستهكێ باشتر یێ پیشهیا پهرستاران دێ ل كوردستانێ هێته بهرههمهێنان و دێ باشتر خزمهت برێیا وان ل نهخۆشخانهیان هێنه پپێشكێشكرن، و گۆتژی: ل پارێزگهها دهۆكێ مه پێدڤی پتر ژ 3500 پهرستاران ههیه.