رێڤهبهرێ ساخلهميا ئاكرێ: ب ڤهكرنا هندهك پشكان مه بارگرانى ل سهر دهۆك و ههولێر كێم كريه
رێڤهبهرێ ساخلهميا ئاكرێ راگههاند كو ڤهكرنا هندهك پشكان ل ساخلهميا ئاكرێ هاريكارى بۆ وهلاتيان كريه كو ئێدى سهرهدانا دهۆك و ههولێر نهكهن و خۆيا ژى كر كو قهيرانێن دارايى كارتێكرن كريه كو هندهك پشكێن نوو نههێنه ڤهكرن.
دكتور بهشير تهها، رێڤهبهرێ ساخلهميا ئاكرێ بۆ نوش نيوز دياركر كو وهكو ههڤبهركى ل گه پێشتر، د ڤان سالێن بۆرى دا، ساخلهميا ئاكرێ گهلهك پێشڤهچوون ب خۆ ڤه ديتيه؛ سهنتهرێ شووشتنا گولچيسكان و تهلاسيميايێ هاتينه ڤهكرن و گۆت: “گهلهك ئالاڤ و نوشدارێن تايبهتمهند ژى هاتينه دابينكرن”.
زێدهتر گۆت: “ڤان سهنتهران گرنگيهكا مهزن بۆ خهلكێ قهزا ئاكرێ ههبوو، ئێدى نهخۆش پێدڤى ب دهۆك و ههولێر نينه. ل ڤێره چارهسهرى بۆ نهخۆشان دهێنه كرن”.
ئاشكهرا ژى كر كو هندهك يهكه ژى هاتينه ڤهكرن وهكو يهكا شهكرێ كو ل دهسپێكێ ل ناڤخۆ نهخۆشخانا تهنگاڤيان چارهسهرى بۆ دهاته كرن، لێ مە ب فەر دیت ڤەگوھێزینە نەخۆشخانا گۆلان دا پتر خزمەتا نەخۆشێن شەکرێ بکەت و گۆت: “مه یەکا نەخۆشيێن دومدرێژ ژی ئینا ناڤ نەخۆشخانا گۆلان و مە ئامارێن خۆ ژى ب سیستەمێ کۆمپیوتەری نووكرن”.
د. بهشير زێدهتر گۆت: “مه يهكا جگهرێ ژى ڤهكر كو ئهو ژى ژ چهند جۆران پێك دهێت. تاقيگهههك مه ل ناڤ نهخۆشخانێ ڤهكر كو يا تايبهتمهنده ب نهخۆشيێن ههودانا سينگى، چونكو گهلهك نهخۆشان قهستا ڤێ يهكێ دكر”.
ل دۆر كارتێكرنا قهيرانا دارايى ل سهر ساخلهميا ئاكرێ، رێڤهبهرێ ساخلهميا ئاكرێ گۆت: “قهيرانا دارايى كارتێكرن ل كهرتێ ساخلهميێ ژى كريه، ئهم زۆر زهحمهتێ دبينين ههتا دهرمانان دابين دكهين، ب تايبهت يێن نشتهرگهرى و ڤهژاندنێ و ئهڤ نهخۆشيێن چاڤدێريا چڕ”.
دا زانين ژى كو گهلهك جاران كێشه بۆ وان پهيدا كرينه و گۆت: “وهلاتى ژى گازندێ دكهن كو ئهم نهشێين دهرمانا بۆ خهلكى دابين كهين، ئهڤ پشكا دهرمانان يا بۆ مه دهێت ب رێژا 40% يا كێمه و ئهم دكرين و ڤێ چهندێ كارتێكرن ل مه كريه و نوكه ب 100 مليۆنان ئهم قهردارين”.
رێڤهبهرێ ساخلهميا ئاكرێ خۆيا كر ژى كو ئهوان ئاريشا نهبوونا نوشداران ژى ههيه ب تايبهت ژى نوشدارێن ژن و هندهك جاران بوويه بارگرانى ژى بۆ وان ب گۆرهيى گۆتنێن نوشدارى.
دا زانين ژى كو ئهوان پێدڤى ب نهخۆشخانهكا تهنگاڤيانه ل نێزيك نهخۆشخانا گۆلان، ب بههانهيا وێ چهندێ كو ئهڤا نوكه يا باش نينه و يا دووره ژ نهخۆشخانا گشتى و گۆت: “د پلانا مه دايه نهخۆشخانهكا تهنگاڤيان ل نێزيك نهخۆشخالان گۆلان ڤهكهين و ئهرد ژى بۆ هاتيه دابينكرن، ب ڤى رهنگى دێ پتر خزمهتا نهخۆشخان هێته كرن و دێ بۆ نوشداران ژى يا نێزيك بيت و نهخۆشخانا كهڤن ژى ببيته يا زارۆبوونێ”.
ل دۆر پلان و پشكێن نوو ژى دكتور بهشير تهها، گۆت: “مه بزاڤ كريه كو پشكا دهروونى ڤهكهين، بهلێ كێشه ل گهل ههبوونا نوشدارێن تايبهتمهند ههبوويه، ل دهۆكێ ب گشتى دكێمن”.
زێدهتر گۆت: “مه ل بهر بوو يهكا ئوتيزمێ ل ئاكرێ ڤهكهين، بهلێ ژ بهر قهيرانا دارايى ئهم نهشێين ڤهكهين، چونكو ئالاڤێن پێدڤى بۆ مه نههاتينه دابينكرن”. ئاشكهرا ژى كر كو ئهوان گهلهك پێدڤى ب پشكا قهستهرێ ههبوويه ئهو ژى ژ بهر قهيرانا دارايى نههاته ڤهكرن.
دهربارهيى ئاوارن ژى گۆت: “ل دهسپێكا سالا 2013ێ پشكهك ژ ئاوارێن سورى هاتنه قهزا ئاكرێ، مه بنگهههكێ ساخلهميێ بۆ ڤهكر و پێدڤيێن سهرهكى مه بۆ دابينكرن و چو ئاريشه نينن، دووڤ دا، ژمارا زۆرا ئاوارێن ناڤخۆژى قهستا ئاكرێ كر و كهمپهك بۆ هاته ڤهكرن، دهسپێكێ بارگرانيهكا زۆر خسته سهر كهرتێ ساخلهميێ ل ئاكرێ كو رێژا 30% بارگرانى كهفته سهر قهزا ئاكرێ ب ههموو پشكێن خۆ ڤه، بهلێ ڤهگهريانا وان بۆ جهێن خۆ ههتا رادهكێ دى گوهۆڕينهك كهفتيێ و بارێ مه سڤك كريه”.
ساخلهميا قهزا ئاكرێ ژ نهخۆشخانا گۆلان يا گشتى و نهخۆشخانا تهنگاڤى و زارۆبوونێ پێك دهێت ل گهل 25 سهنتهر و بنگههان