پێداچوونا سالانە یا ساخلەمیا دهوکێ هاتە ئەنجامدان

 ئیرو ب ئاماده‌بوونا به‌رێز رێكه‌وت حه‌مه‌ ره‌شید وه‌زیرێ ساخله‌میا حكومه‌تا كوردستانێ و به‌رێز فه‌رهاد ئه‌مین ئه‌تروشی پارێزگه‌رێ دهوكێ و په‌رله‌مانته‌رێن كوردستانێ و عێراقێ و سه‌روكێن زانكویێن پارێزگه‌ها دهوكێ و رێڤه‌به‌رێن چه‌ندین دام و ده‌زگه‌هێن حكومی ل پارێزگه‌ها دهوكێ و نوینه‌رێن لایه‌نێن سیاسی و رێكخراوێن ناڤده‌وله‌تی و رێكخراوێن ناڤخوه‌یی و نوژداو كارامه‌ندێن ساخله‌میێ و فه‌رمانبه‌رێن رێڤه‌به‌ریا گشتی یا ساخله‌میا دهوكێ و كونفرانسێ خوه‌ یێ سالانه‌ لژێر ناڤێ ( قورتالكرنا ژیانا هاوه‌لاتیان د به‌رده‌وامبوونا قه‌یرانان دا ) و تێدا كار و چالاكی و ئامارێن سالا ٢٠١٧ خزمه‌تگوزارێن ساخله‌میێ یێن پێشكێشی خوه‌جهێن پارێزگه‌ها دهوكێ و ئاواره‌ و

په‌نابه‌رێن ل سنورێ پارێزگه‌ها دهوكێ هاتنه‌ نیشاندان
ده‌قێ په‌يڤا د. نزار عسمه‌ت د كۆنفرانسێ سالانه‌ يێ رێڤه‌به‌ريا گشتى يا ساخله‌ميێ دا
په‌يڤا دكتور نزار عسمه‌ت ته‌يب رێڤه‌به‌رێ گشتى يێ ساخله‌ميێ ل پارێزگه‌ها دهۆكێ د كۆنفرانسێ سالانه‌ يێ رێڤه‌به‌ريا گشتى يا ساخله‌ميا پارێزگه‌ها دهۆكێ:
جھێ دلخوشیێ یە پێداچوونا سالا 2017 یا ساخلەمیا دھۆکێ بدانینە بەر دەستێن ھەوەیێن بەرێز ژ بوو ھەلسەنگاندن و رەخنەگرتنا ئاڤاکەر و دانا پێشنیازا ب مەرەما پشتەڤانیکرنا کەرتێ ساخلەمیێ د ڤان کاودانێن ھستیارێن ھەرێما کوردستانێ تێدا دەرباز دبیت ئەڤ پێداچوونا سالانە بەرھەمێ گەلەک رۆژێن کارێ بەردەوامە یێ ھەر ئێک ژ نوشدار و پەرستار و کارمەندێن ساخلەمیێ ل دھۆکێ زێدەتر ژ 600 ھزار ئاوارە و پەنابەران مێھڤان کرینە ل گەل خوجھێن دھۆکێ، سەرجەمێ ئاکنجیان دبیتە دو مليۆن و 100 کەسان د دابینکرنا خزمەتێن ساخلەمیێ یێن باش بۆ ڤێ ژمارا مرۆڤان کارەکێ زۆر ب زەحمەتە ب تایبەت بەراوەردکرن ل گەل شیانێن بەردەست.
دومدرێژی و سەختیا قەیرانێن دارایی و مرۆڤی و ئاکامێن شەرێ تیرۆرستێن داعش د ماوێ سێ سالێن بۆرى دا، پتر شیانێن مە سنوردار کرینە و بەراھیا کارێ مە ژ ئاڤه‌دانکرن و گەشەپێدانێ گوھاڕتیە بۆ بەرنگاریا قەیران و خوڕاگرتن و بەردەوامیا پێشکیشکرنا خزمەتێن ساخلەمی یێن گرنگ.
قەیرانا دارایی یا سەخت کارتێکرنەکا زۆر نەرینی ل سەر پلانێن مە ھەبوویە و ب تایبەت ژی راوەستاندنا پرۆژێن ستراتیژی بۆ ب ھێزکرنا ژێرخانا ساخلەمیێ بۆ نموونە راوەستاندنا پرۆژێ ئاڤاکرنا پێنچ نەخۆشخانا ب سەرجەمێ 900 تەختان و لاوازکرنا پرۆژێن پەرەپێدان و چاکسازیکرنا ساخلەميێ وەکو ژێک جۆداکرنا کەرتێ تایبەت و گشتی، ھەروەسا سیستەمێ بیما ساخلەميێ و ئەلکترۆنیکرنا پێزانێنيێن ساخلەمیێ و ئەنجامدانا ڤەکۆلینان و پیدڤیا ژێرخانا ساخلەمیێ بۆ سەخبیریکرنێ و چاکسازیکرن و ئێدارەکرنا دەرمان و پێدڤى و ئامیرێن نوشدارى و راوەستاندنا پرۆژێ پەرەپێدانا مرۆڤی کو پێک دھات ژ کورسێن خاندنا تایبەتمەندیێن ھو و رێيێن نوشدارى بۆ 50 نوشدارێن تایبەتمەند و پەرپێدانا شیانێن پەرستاری بۆ 500 پەرستاران، به‌لێ مە بەردەوام باوەری ھەیە کو قەیران دەلیڤا ژی پەيدا دکەن پشت بەستن ل سەر تیمێن فرەپیشەیی و پشتەڤانیا وەزارەتا ساخله‌ميێ و پاریزگارێ دھۆکێ و بەرھەڤیا رێکخراوان باشترین شێوە خوە ل بەر ڤان ھەموو قەیرانان گرت و شیایه‌ چەندین چیرۆکێن سەرکەڤتنێ پەيدا بکەین. بەرھەنگاریا ھەموو جۆرێن نەخۆشیێن ڤەگر. گەھاندنا خزمەتێن ساخلەمیێ بۆ پێشمەرگێ قەرەمان.
پشتەڤانیا ژێرخانا ساخلەمیێ ئەوا ھەيی چ دووبارە نووژەنکرن یان بەرفرەھکرن ب پشتەڤانیا رێکخراوێن نێڤدەولەتی
يێن پەرەپێدانا شیانێن نوشدار و پەرستاری بۆ زێدەکرنا زێرەکیا ژ بەر کێمیا ژمارا کارمەندێن ھەین.