پێشانگەھا شێوەکاری بۆ زارۆکێن توشبووی ب په‌نجه‌شێرێ هاته‌ ڤه‌كرن

په‌یاما هێژا رێڤه‌به‌رێ گشتی 
كاركرن ژ پێخه‌مه‌ت پاراستنا زاروكا و ده‌سته‌به‌ركرنا مافێن وان بو ژیانێ، بو فێركرن و ته‌ندروستیێ ژ بنه‌مایێن چارناما مافێن زاروكا یه‌ و هه‌ر كه‌سه‌ك ڤێ خزمه‌تێ بكه‌ت كه‌سك دویربینه‌ و نیشتمان په‌روه‌ره‌ و باوه‌ری هه‌یه‌ ئه‌ڤرو كوردستان پێدڤی ب كه‌سێن ته‌ندروسته‌ ژ لایێ ده‌روونی و جه‌سته‌یی ڤه‌ داكو پاشه‌ روژێ كه‌سێن ته‌ندروست زێده‌بن و كورد لكوردستانێ بگه‌هنه‌ ئارمانجێن خو 
هه‌ر پێنگاڤه‌كا ب ڤی شێوه‌یی بهێته‌ هاڤێتن بو پشثه‌ڤانیكرنا ئێك زاروك دێ پاشه‌روژێ كارتێكرنه‌كا زور ئه‌رێنی هه‌بیت
نه‌خوشترین نه‌خوشی تا نوژدار ده‌ست نیشان دكه‌ت په‌نجه‌شێره‌، و نه‌خوشترین تشت ئه‌وه‌ تو بێژی یه‌ نه‌خوشی تو یێ توشی ڤێ نه‌خوشیێ بوی، 
به‌لێ یا ژ هه‌میا نه‌خوشتر ده‌ما نه‌خوش زاروكه‌كێ جوان و پر خه‌ون بو ژیانه‌كا خوش و به‌خته‌وه‌ربیت،
ل وی ده‌می نه‌ بتنێ نوژدار و ده‌یك و باب به‌لێ هه‌می كه‌س هه‌ست ب نه‌خوشیێ دكه‌ن و حه‌ز دكه‌ن تشته‌كی بو زاروكی بكه‌ن
ئه‌ڤ كارێ هونه‌ری یێ ماموستا( بیار محمد عمر )ی دگه‌ل هه‌ڤالێن خو یێن هێژا و دگه‌ل زاروكێن توشی نه‌خوشیێن په‌نجه‌شێرێ بووین ل نه‌خوشخانا هیڤی یا فێركرنێ یا زاروكان ل دهوكێ ئه‌نجام دایی كاره‌كێ پیروزه‌ و زور زه‌حمه‌ته‌ ئه‌ز بشێم ده‌ربرینه‌كا دوورس بگه‌هینم، به‌لێ بتنێ پشته‌ڤانیا ده‌روونی و ئینانا زه‌رده‌خه‌نێ لسه‌ر لێڤێن زاروك و ده‌یك و بابا فاكته‌ره‌ك هه‌ره‌ گرنگه‌ بو به‌رسڤدانا زاروكی بو چاره‌سه‌ریێ و گه‌له‌ك ڤه‌كولینا دیاركریه‌ كو به‌رگریا زاروكی ب هێزتر دبیت ده‌مێ بارێ وی یێ ده‌روونی یێ باشتر بیت 
هه‌ر وه‌سا ئێك ژ بنه‌مایێن چارناما مافێن زاروكا به‌رچاڤ وه‌رگرتنا باشترین به‌رژه‌وه‌ندیا وی یه‌ و ژ بو ده‌ستنیشانكرنا ڤێ به‌رژه‌وه‌ندیێ پشكداریكرنا ئه‌كتیڤا زاروكی و خێزانا ویه‌ د هه‌ر بریاره‌كا د دهێته‌ دان د ده‌رهه‌ق زاروكی دا
ئه‌ڤ كارێ هه‌وه‌ ئه‌نجام دایی گه‌لی ماموستا و گه‌لی زاروكێن خوشتڤی ، هه‌تا هه‌تایێ دێ مینیت و ئه‌م شانازیێ پێ دژه‌ین كو ئه‌م ژی شیاینه‌ دگه‌ل هه‌وه‌ پشكدار بین د ئاسانكرنا ڤی كاری دا 
ئه‌و زاروكێ ژ نه‌خوشیێ قورتال بیت دێ شانازیێ ب كارێ خوه‌ یێ هونه‌ری كه‌ت و ئه‌وێ خودێ نه‌كه‌ت ژێ قورتال نه‌بووی دێ ناڤێ خو ل دیروكێ نڤێسیت و دڤێ په‌رتوكێ دا كو ده‌یك و باب و ماموستا و ئه‌م هه‌می دێ شانازیێ پێ به‌ین هه‌ر ده‌م دێ ل بیرا مه‌ بیت .
هیڤیا ساخ و سه‌لامه‌تیه‌ و بو هه‌می زاروكا دكه‌م 
زور سوپاس بو هه‌وه‌ گه‌لی ماموستا زور سوپاس گه‌لی زاروكێن خوشتڤی
زور سوپاس به‌ هه‌وه‌ هوین هه‌می یێن كار بو زاروكا دكه‌ن بو ده‌ستته‌به‌ركرنا مافێن وانا