پشتى دو ده‌مژمێران ژ دایكبوونى لنگێ زارۆيه‌كێ هاته‌ چاره‌سه‌ركرن

پشتى دو ده‌مژمێران ژ دایكبوونى لنگێ زارۆيه‌كێ هاته‌ چاره‌سه‌ركرن
نوشدارەکێ تایبەتمەندێ شکەستنی ل دھۆکێ دیارکر کو پشتی دو دەمژمێران ژ دایکبوونا زارۆیەکێ، ل بنگەھێ شیاندنا زارۆیان لنگێ وێ ھاتە گێچکرن و ژ پەککەفتنێ ھاتە رزگارکرن.

د. بەھزاد بەھجەت، تایبەتمەندێ شکەستنێ ل دھۆک بۆ (نۆش نیوز) دیارکر کو ئەڤ حالەتێن وەسا ھەکە نەھێنە چارەسەرکرن ئەو زارۆ دەمێ مەزن دبیت پەککەفتی دمینیت و گۆت: “گرنگە سازیێن ساخلەمیێ و دایک و باب دەمێ رۆژا ئێکی یا ژ دایکبوونێ زارۆیان پشکنین بکەن، ھەکە کێشەک ھەبیت رەوانەی نوشدارێن تایبەتمەند بکەن دێ رێژا پەککەفتنێ زۆر کێم بیت چونکو نوکە ل دەزگەھێن ساخلەمیێ ھەموو خزمەت دھێنە پێشکیشکرن”.

ئاشکەرا کر کو لنگێ ھندەک زارۆیان د زکماکی دا خوار دبیت ئەو ژی چەندین ئەگەر ھەنە ژ وان ژی زەبلەکێن زارۆی ب زەحمەت ڤێک دکەڤن د ماوێ دوگیانی دا ب تایبەتی ژی زکماکێ دا یان زەبلەک ژی وەکو “قێب” تێدا دروست دبیت ئەڤە ژی دبیتە ئەگەر پیێن زارۆی د زکماکی دا خوار ببن، “نوکە ئەم ڤان حالەتێن وەسا ھەموویان چارەسەر دکەین، نوکە ژی زارۆیەک پشتی دو دەمژمێران ژ دایک بوویی لنگێ لێ خارە، ئەم ب گێچێ وی پێ خوار چارەسەر دکەین”.
ئەو ژی دیارکر کو چارەسەرکرن ژی ل دووڤ حالەتی دمینیت؛ ھندەک ژ وان ھەر سێ حەفتیان جارەکێ پێدڤیە دووڤچوونا لنگێ زارۆی بکەن ئەو گێچ بھێتە ڤەکرن و ئێکا نوو بۆ بھێتە دانان و گۆت: “حالەت ژی ھەنە ھەر حەفتیێ جارەکێ پێدڤیە ئەو گێچا بۆ زارۆی ھاتیە دانان بھێتە گوھۆڕێن ھەتا دگەھیتە پلا راست و پشتی ھینگی ژی بەردەوام دووڤچوون دھێتە کرن ب دو تشتان ئەو ژی قالبێن تایبەت و چارەسەریا سروشتی ل بنگەھێ شیاندنا زارۆیان ل دھۆکێ، ھەردو ژی ھەنە و زارۆ دھێنە چارەسەرکرن، ئەڤ حالەتێن وەسا زۆر دکێمن ناگەھتە ١٠% ئەڤ ھەڤکاریا نوکە د ناڤبەرا دەزگەھێن ساخلەمیێ دا زۆر یا گرنگە بۆ کێمکرن یان نەھێلانا رێژا پەککەفتنێ.