ترومبێلەکا گەرۆک یا زارۆبوونێ گەھشتە ساخلەمیا دھۆکێ
هاتیه بلاڤکرن روژا سێ شه‌مبێ, 6 ئادار 2018 - 9:49pm
ئەڤرۆ ٦/٣/٢٠١٨ رێکخراوا UNFPA ترۆمبیلەک پێکھاتی ژ ھۆلا زارۆبوونێ پێشکشی رێڤەبەریا گشتی یا ساخلەمیا دھۆکێ کر.
د. سیروان محەمەد ئەسوەد، رێڤەبەرێ کارۆبارێن خۆپاراستنا ساخلەمیێ دیارکر کو ترۆمبیلەکا گەرۆک بۆ خزمەتێن زارۆکبوونێ ھاتە دابینکرن ژلایێ رێکخراوا UNFPA بۆ رێڤەبەریا گشتی یا ساخلەمیا دھۆکێ کو پێکھاتیە ژ ھۆلا زارۆکبوونێ و ھەموو پێدڤیێن زارۆکبوونێ دناڤدانە و گۆت: دێ بۆ ئاواران وپەنابەران وخەلکێ خوجھێ دھۆکێ ھێتە بکارئینان.
ئاماژە دا وێ چەندێ ژی کو ئەڤ ترۆمبێلە بتنێ بۆ حالەتێن تەنگاڤ وجھێن پێدڤی یێن دوور ژ نەخۆشخانێن ژن وزارۆکبوونێ دێ ھێتە ب کارئینان و گۆتژی: ئەڤ ترۆمبێلا گەرۆک یا زارۆکبوونێ دێ خزمەتەکا مەزن پێشکێشی ئاواران وپەنابەران و خەلکێ خوجھێ دھۆکێ کەت.
ئه‌ڤ مالپه‌ره فرێکه
