اقیگه‌هه‌كا پێشكه‌فتی ل بنگه‌هێ‌ ساخله‌میا چه‌مانكێ‌ هاته‌ ڤه‌كرن

 ب مەرەما پتر خزکەتکرنا وەلاتیان ژ لایێ ساخلەمیێ ڤە و دابینکرنا پێدڤی و کەرەستێن ساخلەمیێ ب ئامادەبوونا ھژمارەکا بەرپرسێن حکومی تاقیگەھەکا پێشکەفتی ل بنگەھێ ساخلەمیا چەمانکێ ھاتە ڤەکرن و رێڤەبەرێ ساخلەمیا قەزا ئامێدیێ ژی دبێژیت: ب ڤەکرنا ڤێ تاقیگەھێ؛ ئێدی پێدڤی ناکەت بۆ گەلەک جۆرێن پشکنینان وەلاتیێن ناحیێ قەستا جھێن دی بکەن.

دکتۆر نەجیب سەعید، رێڤەبەرێ ساخلەمیا قەزا ئامێدیێ بۆ ئەڤرۆ دیار کر کو ئەڤ تاقیگەھە یا پێشکەفتی یە و پڕانیا پشکنینان ب خوە ڤە دگریت و گۆت: “مخابن کو ھەتا نوکە ئەڤی بنگەھی پشکەکا تاقیگەھێ یا پێشکەفتی نەبوویە، لێ ب ڤەکرنا ڤێ تاقیگەھێ دێ گەلەک ژ ئاریشێن وەلاتیان ژ پشکنینان چاسەر کەت و ئێدی بۆ ئەنجامدانا گەلەک جۆرێن پشکنینان پێدڤی ناکەت وەلاتی قەستا دەرڤەی سەنتەرێ ناحیێ یان تاقیگەھێن ئەھلی بکەن”.

گۆتژی: “ب ڤەکرنا ڤێ تاقیگەھێ دێ باشتر خزمەتا نوشان ھێتە کرن و د ھەمام دەم ژی دا دێ بیتە بارسڤککرنەک بۆ وەلاتیان ژ لایێ ئابووری ڤە”.

رێڤەبەرێ ساخلەمیا قەزا ئامێدیێ ئاماژە ب وێ چەندێ ژی کر کو خزمەتکرنا وەلاتیان ژ لایێ ساخلەمیێ ڤە و دابینکرنا کەرەستان دێ یا بەردەوام بیت و یا ژ دەستێ وانا بھێت و د شیان دا بیت دێ بۆ دەڤەرێ ئەنجام دەن