كۆلیژا نوشدارى دێ ل زاخۆ هێته ڤهكرن
هاتیه بلاڤکرن روژا دوو شهمبێ, 12 ئادار 2018 - 6:58pm
رهزامهندیا ڤهكرنا كۆلیژا نوشدارى ل زانكۆیا زاخۆ هاتیه دان، بریار ئهوه ل سالا 2018-2019 دێ قۆناغا ئێكێ یا قۆتابیان وهرگرن، بریار ئهوه ل قۆناغا ئێكێ دا 25 ههتا 30 قۆتابیان وهربگرن.
د. عهبدۆلوههاب خالد، هاریكارێ سهرۆكێ زانكۆیا زاخۆ بو كارۆبارێن قۆتابیان دیاركر، ژلایێ وهزارهتا خواندنا بلند و ڤهكۆلینێن زانستی رهزامهندی ل سهر ڤهكرنا كۆلیژا نوشدارى هاتیه دان، ل گۆرهیی گۆتنێن هاریكارێ سهرۆكێ زانكۆیێ سیستهمێ خواندنا ل كۆلیژا نوشدارى دووهم ژ دهولهمهنترین سیستهمێن خواندنێ ل سهر ئاستێ عێراقێ دێ ل كۆلیژا مه هێته پهیرهوكرن، زێدهتر گۆت: ” برێكا سیستهمێ ئهنتگرێت دێ قۆتابیان وهرگرین “.
د. قهرهنی سهعید رێڤهبهرێ ساخلهمیا زاخۆ دیاركر، كو ههیاما چهند سالایه ب رێكا رێڤهبهریا گشتیا ساخلهمیا پارێزگهها دهۆكێ ههولێن ڤهكرنا ڤێ كۆلیژێ دهێنه دان گۆت: “نهخۆشخانا فێركاریێ ل زاخۆ ههیه، ئهڤه دێ دهرفهتهكا باش بیت بو هندێ قۆتابیان ژ رۆیێ زانستێ پراكتیكی و تێۆری ڤه بهێنه پێگههاندن “.
ل زاخۆ 120 نۆژدار ههنه، ل گۆرهیی گۆتنێن رێڤهبهریا ساخلهمیا زاخو وان پێدڤی ب نێزیكی 300 نۆژداران ب ههمی بسپۆریان ههنه، ل زاخۆ سێ نهخۆشخانێن گشتی 200 تهختی و ههوار هاتن و زارۆك بوون ههنه.