بسەرپەرشتیا ساخلەمیێ دیبەیتەک بو کورتە باڵا هاته رێکخستن

دیبەیتەک ژلایێ کۆمەڵا کورتە باڵایێن کوردستانێ لقێ دهۆک ب سەرپەرشتیا رێڤەبەریا گشتی یا ساخلەمیا پارێزگەها دهۆکێ هاتە گێران.

وەحید سعید چیچو، سەرۆکێ لقی دهۆک یێ کۆمەلا کورتە باڵایێن دهۆکێ دیارکر کو ل پارێزکەها دهۆکێ 220کۆرتە باڵا هەنە و گۆت: 71ئەندامێن وان هەڤژینی ل گەل کەسانێن باڵا درێژ پێکئینایە و 31 هەڤژینی ژی کۆرتە باڵانە.
دیارکر ژی کو 28ژێ فەرمانبەرێن حکومەتێ نە کو 10ژوان ل دەزگەهێن ساخلەمیێ کاردکەن و خواست حکومەت و کەرتێ تایبەت دەلیڤێن کاری بو کورتە باڵا ببینن.
وەحید ئەوژی دیارکر کو بێ کاری و نەخویندەواری و نەبوونا پێدڤیێن وان ل بازاری ژگرنگترین ئاریشێن وانانە.
د.نزار عسمەت، رێڤەبەرێ گشتیێ ساخلەمیا دهۆکێ دیارکر ب ئێکسانی ساخلەمی بەرێخودانێ ل هەموو کەسان دکەت و گۆت: بەرێخودانا ساخلەمیێ بو کورتەباڵا یا تایبەتە کو بشێین هەموو خزمەتان پێشکێش بکەین و جوداهی نینە دناڤەرا کورتەباڵا و باڵادرێژ داکو بشێین پتر خزمەتا وان بکەین و هەر پێدڤیەکا هەبیت و دشیانێن مەدابیت مە یا دابینکری.
دیارکرژی ساخلەمیێ کارەکێ مەزن کریە ژلایێ سایکولوژی ڤە کو باوەری ب خو هەبیت و ل گەل جڤاکی و خێزانێن خوە بگونجینن.
هەروەسا دیارکر کو ل دووڤ شیانان ساخلەمی شیایە دەلیڤێن کاری ژی بو پەیدابکەت.