ساخله‌میا دهوكێ دگه‌ل قونسلێ فره‌نسا ل كوردستانێ كومبو

 ب ئارمانجا بتر گەھاندنا ھاریکاریان بۆ ئاواران و پەنابەران ل پارێزگەھا دھۆکێ،  ب ئاماده‌بونا بەرێز ئیسماعیل محمد ئەحمد ھاریکارێ پارێزگارێ دھۆکێ بۆ کارو بارێن ئاواران وپەنابەران و بئامادەبوونا د نزار تەیب رێڤەبەرێ گشتی یێ ساخلەمیا دھۆکێ پێشوازی ل بەرێزان  دومینیک ماس قۆنسلێ فەرنسا ل ھەرێما کوردستانێ و پاتریک بلان وجیرالدین بریان نوینەرێ سەنتەرێ قەیرانا ل فەرنسا  كومبون

دکۆمبوونێ باس ل چەندیین سەکتەران ھات کرن کو گرێ دای ئاواران وپەنابەران بوون، وەک (ساخلەمی، پەروەردە، ئاھێن خوارنێ، پاراستن و ئاڤ وئاڤەرۆ)، و داحواز ھات کرن بتر پشتەڤانی بھێت کرن بۆ ڤان سەکتەرێن باس لێ ھاتی کرن ب ئارمانجا بتر گەھاندنا ھاریکاریان بۆ ئاواران و پەنابەران و خۆشکرنا رەوش و ژیانا وان ل ناڤ کەمپان، دیسان ژلایێ خۆڤە د  نزار عسمت ته‌یب رێڤه‌به‌رێ گشتی یێ ساخله‌میا پارێزگه‌ها دهوكێ باس ل ره‌وشا ساخله‌میێ دناڤ كه‌مپێن ئاواره‌ و په‌نابه‌ران كر و ئاماژه‌ دا ب ئه‌و خزمه‌تێن دهێنه‌ پێشكێشكرن هه‌ر دیسان باس ل كێماسی و پێداویستیان هاته‌ كرن