د سێ رۆژێن نەورۆزێ دا 29 کەسان گیانێ خوە ژ دەست دایە
هاتیه بلاڤکرن روژا ئێک شهمبێ, 25 ئادار 2018 - 4:22pm
بەرپرسی راگەھاندنێ ل رێڤەبەریا گشتیی یا ساخلەمیا پارێزگەھا دھۆکێ دیار کر کو د سێ رۆژێن جەژنا نەورۆزێ دا 12 ھزار و 695 کەسان سەرا دەزگەھێن ساخلەمیێ کربوون و 29 کەسان گیانێ خوە ژ دەست دایە و 17 کەس ژی ب تەقتەقوشکان بریندار بووینە و تبلێن دەستێن خوە ژ دەست داینە.
حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ ئاشکرا کر کو د سێ رۆژێن جەژنا نەورۆزێ دا 271 زارۆک یێن ھاتینە سەر دونیایێ و 49 کەس ب روودانێن ترۆمبیلان بریندار بووینە، دیسا بابەکی ب شاشیڤە زارۆیێ خوە کوشتیە نەە کەس ژی ژ ئەگەرێ گوللەیێن ئاگری بریندار بووینە و 86 کەس ب سۆتنێ بریندار بووینە و 26 کەس ژی ب ڤەخوارنا گازێ ژەھراوی بووینە و 31 کەس د ئاڤاھیێن بلند دا یێن کەتین و بریندار بووین.
خویا ژی کر، 78 کەس ب خوارنێ ژەھراویب ووینە و تیمێن 122 ل دھۆکێ دو ھزار و 721 کەسیێن چارەسەرکرین و ڤەگوھاستینە نەخۆشخانان ل دھۆکێ، دیسا 431 کەس ل نەخۆشخانێ یێن ھاتینە نڤاندن و 126 نشتەگەری یێن ھاتینە کرن و رێنمایێن ساخلەمیێ ل سەر 16 جھان ژی یێن ھاتینە بەلاڤکرن.