بەری بنیاتێ بەشی ھاوار ھاتنێ ل نەخۆشخانا ئازادی یا فێرکرنێ ھاتە دانان

بەری بنیاتێ بەشی ھاوار ھاتنێ ل نەخۆشخانا ئازادی یا فێرکرنێ ھاتە دانان

رێ ورەسمێن دانانا بەری بنیاتێ بەشی ھاوار ھاتنێ ل نەخۆشخانا ئازادی یا فێرکرنێ ل رۆژا ٢٣/٤/٢٠١٨ ژلایێ گێرد مۆلەر وەزیرێ ئابۆری یێ ئەلمانیا و فەرھاد ئەمین ئەتروشی پارێزگاری دھۆکێ و د. نزار عێمەت تەیب رێڤەبەرێ گشتی یێ ساخلەمیا پارێزگەھا دھۆکی و ژمارەکا ژ ئەندام پەرلەمانێن ئەلمانی ھاتنە رێڤەبرن.

گێرد مۆلەر وەزیرێ ئابۆری یێ ئەلمانیا دیارکرکو شاندەکێ حکومەتا ئەلمانیا قەستا ھەرێما کوردستانێ داینە بۆ دیتن وگەھاندنا پرۆژەیێن حکومەتا ئەلمانیا پیشکیشی خەلکێ کوردستانێ دکەت ل ڤێ پارێزگەھی ھژمارەکا زۆر یا ئاوارێن نافخۆیی ھەنە و دھۆک بوویە بنگەھی وەرگرتنا ئاواران وپەنابەران یێن ژ سوریا ژی ھاتین ل دھۆکێ نێزیکێ ٢٣ کەمپان ھەنە ئەم پشتەڤانین ھەوەینە ونابیت ئەم ل ئوروپا وە بتنی بیھلن چونکو تیرۆری مەترسیی ل سەر ھەموو دەڤەران ھەیە ئەم یێن ھاتین پشتەڤانیا ھەوە بکەین دوارێن ھەمە جۆر دا و سوپاسیا وان رێکخراوێن خوە دکەین یێن بەردەوام خزمەتێ پێشکیش دکەن ئەڤە رۆژەکا مەزن بۆ ھەماھەنگیی و ھەڤکاری دناڤبەرا ئەلمانیی و حکومەتا ھەرێما کوردستانێ دا.

فەرھاد ئەمین ئەتروشی، پارێزگارێ دھۆکێ دیارکرکو ئەم سوپاسیا حکومەتا ئەلمانیا ورێکخراوێن ئەلمانی دکەین بۆ وێ پشتەڤانیا وان یا بەردەوام دگەل خەلکێ ھەرێما کوردستانێ نەخاسمە ژی بۆ ئاواران وپەنابەران راستی ژی خزمەتەکا مەزن پیشکیشی خەلکێ مە کرینە وداخازی ژ وەزیرێ ئەلمانی دکەین رەوشا ئێزدیان بەرچاڤ بھێتە وەرگرتن چونکو ئێزدی رەوشەکا نەباش دانە.

د. نزار عسمەت تەیب رێڤەبەرێ گشتیی یێ ساخلەمیا پارێزگەھا دھۆکێ دیارکرکو ھەر ژ سالا ٢٠١٤ی حکومەتا ئەلمانیا پالپشتیەکا مەزن پێشکێشکریە بۆ پارێزگەھا دھۆکێ ژ ئەگەرێ فشارەکا مەزن ل سەر دام ودەزگەھێن وێ بۆ پیشکیشکرنا خزمەتێن پێدڤی بۆ ئاواران وپەنابەران ئەوین بەری خوە داینە دھۆکێ.

 

رێڤەبەرێ گشتی یێ ساخلەمیا پارێزگەھا دھۆکێ دیارکرکو حکومەتا ئەلمانی پالپشتیا ھەڤالبەندێن خوە یێن کورد دکەت ب رێکا ئاژانسا جێبەجێکارا وێ ل کەرتی ساخلەمیێ رێڤەبەریا گشتی ساخلەمیێ دگەل تیمی (جی ئای زیت) کاردکەن بشیوەیەکێ موکم دبیاڤێن جورا وجور دا ژبوباشکرنا رەوشا ساخلەمیی ل دەڤەری دگەل ئاڤاکرنا پشکا تەنگاڤیا ل نەخۆشخانا ئازادی یا فیرکرنێ پیشکداری کریە ددیتنا چارەسەرەیەکا دوومدرێژ بۆ پیشکیشکرنا خزمەتێن تەنگاڤیان ل پارێزگەھا دھۆکێ میژوویا ڤێ ھەڤکاریی بۆ سالا ٢٠١٥ێ دەمێ کلینیکا دەرڤە ھاتیە بەرھەڤکرن وەکو ھاریکار بۆ بەشێ تەنگاڤیا کو دشیاندایە چارەسەرێ ٢٠ کەیسین دژوار وەکو نەخۆشیێن نڤاندی بکەت پشکا نوکە دھێتە ئاڤاکرن ل نەخۆشخانا ئازادی دێ ١٣٠ تەختا دابین کەت دگەل چار ژوورێن نشتەگەریا و ئەڤ جھێ نوی یێ ھاریکاربیت بۆ پیشکیشکرنا خزمەتێن نوشداریا تەنگاڤیا ل ھەموو دەڤەرێ.

د. نزار عسمەت ئەوژی دیارکرکو ل دەستپێکا سالا ٢٠١٩ێ رێکخراوا جی ئای زیت دێ شین تبلێن خوە دووماھیکی دانیتە سەر پرۆژێ پشکا تەنگاڤیا دێ رابیت ب دابینکرنا ھەموو ئامیر و پێدڤیێن نوشداری کوژمێ پتر ژ ١٥ ملیون یورویا دھێتە وەربەھێنانکرن دڤێ پرۆژێ دا ل ڤان سالێن دووماھیی دا حکومەتا ئەلمانی سەرەرای کارێ وێ ٧ ملیون یورو مەزاختینە بۆ دابینکرنا ئامیرێن نوشداری بۆ نەخۆشخانا ئازادی و نەخۆشخانێن دھۆکێ بوویە ھاریکاریا بۆ پیشوازیا ھژمارەکا زۆر یا نەخۆشان دگەل ئاڤاکرنا بنگەھێن دەستپیکی دگەل پێدڤین وان زێدەباری کارێن مەشق وراھێنانێ وکارگیریا پیشەیی بوارەکێ دیێ گرنگە وەکو ژێرخانا ئاڤاھیا رێکخراوا ناڤبری دگەل ساخلەمیا دھۆکێ ئەنجام دەت.

بەری بنیاتێ بەشی ھاوار ھاتنێ ل نەخۆشخانا ئازادی یا فێرکرنێ ھاتە دانان