نەخۆشێن ھیموفیلیا ژ پارێزگەھیێن دى قەستا دھۆکێ دکەن بۆ چارەسەری يێ

نەخۆشێن ھیموفیلیا ژ پارێزگەھیێن دى قەستا دھۆکێ دکەن بۆ چارەسەری يێ

 رێڤەبەرێ نەخۆشخانا ھيڤی یا زارۆکان دیارکر کو ئەڤرۆ ١٤/٥ رۆژا جیھانیا ھیموفیلیا هاته ساخكرن، ھیموفیلیا ئێک ژ نەخۆشيێن دومدرێژه، گەلەک جاران  ژ لایێ دایکێ ڤه دروست دبیت. سێ جۆرێن ھیموفیلیا ھەنە ئەو ژی: ھیموفیلیا ژ جۆرێ a ,b ,c كو ژ ئەگەرێ کار نەكرنا فاکتەرەکێ جینی دروست دبیت.

د. نزار بەکر رێڤەبەرێ نەخۆشخانا ھيڤی یا زارۆکان دیارکر کو سالێن پێنچیان دەمێ گەلەک جاران زارۆک دھاتە سوونه تکرن خوین بەربوون نەدھاتە راوەستاندن یان دەمێ زارۆک مەزن دبوو پنیێن رەش لاشێ وى دروست دبوون. پشتی سالێن ھەشتێيان دیتن فاکتەرەک یێ ھەی هةكه نەخۆش ب کاربینت دێ خوین بەربوونا وی راوەستیت ئەوژی فاکتەرێ ھەشتێ یە. گەلەک جاران فاکتەرێ نەهێ و یازدێ و حەفتێ ژی ھەنە ل نەخۆشخانەیان دھێتە بکارئینان.

ل دووڤ جۆرێ ھیموفیلیا مە ئاریشە دگەل چارەسەریا ھیموفیلیا ھەنە لێ ل دھۆکێ ئەم گەلەک باشترین ژ پارێزگەھیێن دى یێن عيراقێ و ھەرێما کوردستانێ ، گەلەک جاران نەخۆشێن ھەولێر وسلێمانيێ قەستا دھۆک دکەن کو فاکتەرێن وان زوو دووماھی دھێن.

د. نزار بەکر ئەوژی دیارکر کو نوکە ل دھۆکێ ھەموو جۆرێن فاکتەران بۆ نەخۆشیا ھیموفیلیا ھەنە نوکە ڤەکۆلین بەردەوام دھێنە کرن بۆ دیتنا ریێێن چارەسەری یێن دووماھیی بۆ نەخۆشیا ھیموفیلیا وداخازێ دکەین ل دەستپێکا خوین بەربوونێ سەرەدانا نەخۆشخانی بھێتە کرن دا کو ئەو نەخۆش تووشی ھیموفیلیا دژوار نەبیت. ل دھۆکێ ١٢٤ نەخۆشێن ھیموفیلیا ل ھەنە، ژ وان ژی ٧٩ خەلکێ دھۆکێ نە و یێن دیتر ژی ئاوارە و پەنابەرن.

د. ئومێد عەدنان، بەرپرسێ پشکا ھیموفیلیا ل سەنتەرێ ژین دیارکر کو نەخۆشیا ھیموفیلیا گەلەک جۆر ھەنە ل دھۆکێ ١٢٤ نەخۆش ھەنە. پێدڤیە سەرەدەریەکا تایبەت دگەل نەخۆشێ ھیموفیلیا بھێتە کرن ب تایبەتی ژی زارۆکان، ل دھۆکێ ٦٢ نەخۆش کێمتر ژ ١٤ سالیێ و ٦٢ نەخۆش ژی ژ ١٤ سالیێ مەزنترن پێدڤیە نەخۆش خوە دوور بکەت ژ سیاربوونا پایسکلا و یاریا تەپانێ و ھەموو جۆرێن وەرزشێن ب زەحمەت چونکو ھەر دەربەکا ب زارۆکێ بکەڤیت رەنگە ببیتە خوین بەربوون ئەو خوین بەربوون یا ب زەحمەته بھێتە راوەستاندن.

ديسان ئاشکەرا کر کو نەخۆش پێدڤی چارەسەریا سرۆشتی نە چونکو ھندەک جاران دەمێ چارەسەریا سرۆشتی نەھێتە کرن فاکتەر ب تنێ فایدە ناکەت ھەکە ھەردوو دگەل ئێک بن باشترە.