رۆژانە نێزیکی 15 ترێلێن دەرمانان ژ تورکیا دھێنە ھاوردەکرن
هاتیه بلاڤکرن روژا جارشه‌مبێ, 6 خزیران 2018 - 9:50am
ل ھەرێما کوردستان وعێراقێ نێزیکی 50 کۆمپانیێن ھاوردەکرنا دەرمانان ھەنە، رۆژانە د رێکا دەروازێ نیڤدەۆلەتیێ ئیبراھیم خەلیل دا دناڤبەرا 10 بو 15 ترێلێن دھێنە ھاوردەکرن.
د. عەلی حسێن، بەرپرسێ KMCA ل گۆمرکا ئیبراھیم خەلیل بو نۆش نیۆز دیار کر پتریا دەرمانێن دھێنە ھاوردەکرن ژ تورکیانە، رێژەیەک ژی ژ دەولەتێن ئاسیا و ئوڕوپانە گۆت: ” پێدڤی یە ھەر کۆمپانیەکا ھاوردەیا دەرمان بکەن رەزامەندیا رێگەپێدان KMC ل ھەرێما کوردستانێ وەربگڕن، پاشی ھاوردە بکەن، پشتی ھینگێ ژی ل ھەولێرێ پشکنینا تێستێن ھەموویان دکەن، ژ نوو دھێنە دنافخۆیا ھەرێما کوردستان و عێراقێ دا “.
بەرپرسێ KMCA ل گۆمرکا ئیبراھیم خەلیل تەکەز کر کۆمپانێن ھاوردەکرنا دەرمانان تۆشی مەرجێن زەحمەت دبن، چۆنکە گرێدایی ساخلەمیا مرۆڤانە، کو ژ ھەر جۆرەکێ تێستەکێ وەردگرن گۆت: ” ئەنجامێن پشکنینان زوو دەردکەڤن، و بەشەک ژی پێدڤی ب دەمی ھەنە پتر ژ 10 رۆژان پێ دچن ھەتا ئەنجام دەربکەڤن و دشێن ھاوردە بکەین “.
د. عەلی ئەوژی نەڤەشارت، ھندەک جۆرێن دەرمانان دەما برێکا بازرگان دھێنە ھاوردەکرن کوالیتی و مێژوویا وان باش نینن، دڤی حالەتی دا رێکارێن یاسایی دھێنە گرتنا و غڕامەکرن، بەشەک ژی ژوان ژی ل پشکنینان دەرنەچن دھێنە ڤەگەراندن، لێ ھندەک جاران خەلەتی دناڤ دیزاینێ دەرڤە یێ دەرمانان دا ھەبن دێ چارەسەرکەن ژنوو ھێنە د نافخۆ دا. لدووماھیێ گۆت: ” نەخۆشی ب سەدان جۆرێن دەرمانان بخۆڤە دگرن، لژنەیێن مە ژ ئاسایش و گۆمرک و ساخلەمی لژنە گەلەک ب ھووری سەرەدەریێ دگەل بابەتێ دەرمانان دا دکەن “.
ئه‌ڤ مالپه‌ره فرێکه
