زارۆيێن ههولێر و سلێمانيێ ژى ل دهۆك نشتهرگهريێن دلى ئهنجام ددهن
تری 2000 زارۆیان ل دهۆكێ نهخۆشیێن دلی یێن زكماكی ههنه دلێن زارۆیان هندهك جاران ل گهل پهیدابوونا وان و هندهك جارانژی پشتی بۆرینا چهند ههیڤ یان رۆژان نهخوش دبن و گهلهك نهخوشی ههنه كو زارۆ ئازارێن خوه ژێ دبینن، هندهك ژ وان نهخۆشیان ژ ئهنجامێ كارتێكرنا چهند فاكتهرانه ل سهر رهوشا ژنا دوگیان و هندهك ژی دزكماك دا پهیدادبن، ل دهۆكێ پتری 2000 زارۆیان ئهڤ نهخوشیه ههنه و بهردهوام كار بۆ چارهكرنا وان دهێته كرن.
د. سهردار غازی تایبهتمهندێ نهخوشیێن زارۆیان و ئیكویا دلی یا زارۆیان بۆ نۆش نیوز دیاركر كو نهخوشیێن زكماكی ل دهڤ زارۆیان ئهو نهخوشینه یێن تووشی دلێن زارۆیان دبن د ههیڤ یان سالێن ئێكێ دا و گۆت: ل دهۆكێ پتری 2000 زارۆیان نهخوشیێن دلی یێن زكماكی ههنه و یا گرنگ ئهوه بزانین كو دو جورێن ڤان نهخوشیان ههنه هندهك ژێ د زكماك دانه و هندهك ژی دهێنه وهرگرتن، یێن زكماكی ئهون كو دگهل پهیدابوونا زارۆی پهیدادبن كو هندهك ژوان د سڤكن و پێدڤی ناكهت دایباب خوه ب ترسینن و هندهك ژی ب زهحمهتن و پێدڤی ب چارهسهریێ و دووڤچۆنێ ههنه، بهلێ هندهك نهخوشی ژی پشتی پهیدابوونا زارۆكی ب چهند ههیڤان پهیدادبن.
تایبهتمهندێ نهخۆشیێن زارۆیان دیاركر ژی كو هندهك فاكتهر ههنه دهمێ ژنا دوگیان تووش دبیتێ دبنه ئهگهر كێماسیێن زكماكی ل دهڤ زارۆیێ وێ پهیداببن و ژوانژی نهخوشیێن دلی یێن زكماكی ژوان فاكتهران ژی توشبوونا دایكێ ب هندەک نهخوشیێن ڤایروسی، ههروهسان ب كارئینانا هندهك دهرمانێن ئێشكێمكرنێ یان چالاككهرێن كۆئهندامێ دهماران و دهرمانێن تهپێ و چارهسهریا پهنجهشێرێ، دیسان توشبوونا دایكێ ب نهخۆشیا شهكرێ و ئهڤه ب رێژهیا 50% ژ ئهگهرێن كێماسیێن زكماكی و ژوانژی كێماسیێن دلی ب خوهڤه دگریت و ههروهسان توشبوونا دایكێ ب نهخۆشیا گورگان، و ههبوونا نهخۆشیێن دلی و جگارهكێشانێ ل دهڤ دایكێ.
دهربارهی جورێن نهخۆشیێن دلی یێن تووشی زارۆیان دبن، د.سهردار غازی دیاركر كو گهلهك نهخوشیێن زكماكی ههنه كو تووشی دلێن زارۆیان دبن ژوانژی كونبوونا دلی و مانا كهنالێن خوینگران ڤهكری و چارینیا فالۆت و بهرتهنگیا سهمامێ سههێ و گهلهكێن دی، بهلێ ل دهۆكێ یا ژ ههمیا بهربهلافتر ئهوه كو دبێن دلێ زارۆی یێ كونه و پتریا ڤان نهخۆشیان دبنه ئهگهرێ مهزنبوونا دلی. ههروهسان تایبهتمهندێ نهخۆشیێن زارۆیان شیرهتان دكهت كو ژنا دو گیان سهرهدانا بنگههێن ساخلهمیێ بكهت داكو دووڤچۆنا خوه و زارۆیێ د زكێ خوهدا بكهت و گۆتژی: ل دهمێ دوگیانیێ ههكه حهبێن ب هێزكرنێ ب كاربینیت و ب رێكا سونارێ دێ ههر كێماسیهك ل دهڤ زارۆیێ وێ هێته زانین و ل وی دهمی دێ چارهسهری بۆ هێته دان.
دێ چاوان دایباب زانن كو زارۆیێ وان كێماسیهك د دلی دا ههیه؟ د بهرسڤا ڤێ پرسیارێ دا د.سهردار غازی گۆت: هندهك نیشان یێن ههین گهلهك دگرنگن و پێدڤیه دایبابان ئاگهه ژێ ههبیت و ژوانژی دهمێ شیردانێ زارۆ زهحمهتێ دبینیت و رادوهستیت و دهمهكێ درێژ ژبۆ دڤێت ههتا بشێت ب دروستی شیری بخوت، ههروهسان ههناسهیا وی زوو دهێت و دچیت و گهلهك خوهدان ل دهمێ شیردانێ بۆ پهیدادبیت و سهنگێ وی یێ كێمه و زێدهناكهت و وهرارا وی یا هێدیانهیه و گهلهك تووشی ههودانێن ههناسهیێ دبیت و بێهنا وی تهنگ دبیت و دهڤ و لێڤێن وی شین دبن .
زانینا ڤان نیشانان ژلایێ دایبابانڤه دێ بنه هاندهر كو نوشدار ژی زوو بشێت نهخوشیێ دهست نیشان بكهت و هندهك جارانژی ب رێكا زانینا رهوشا دایكێ ل دهمێ دوگیانیێ و پشكنینا بالگههی و دیسان ب رێیا سونارێ و قسهتهرا دلی و نهخشهكێشانێ و پشكنینێن خوینێ نهخوشی دهێته دهستنیشانكرن. دهربارهی چارهسهریێ ژی د. سهردار غازی دیاركر كو چارهسهری ههیه ب رێكا دهرمانان وهكو چالاككهرێن دلی یان ب كارئینانا دهرزیكان بۆ وان زارۆیێن تووشی رۆماتیزمێ دبن یان ب رێكا نشتهرگهریێ و نوكه ل پارێزگهها دهۆكێ ژی مه سهنتهرهكێ تایبهتمهند ههیه بۆ نشتهرگهریێ گهلهك جورێن نشتهرگهریان دهێنه كرن و ژبلی یێن دهۆکێ، گەلەک نەخۆشێن هەولێر و سلێمانیێ و مووسل ژی لێ هاتینە چارەسەرکرن.