ل ھۆلا کونفرانسان یا زانکۆیا دھۆک ئەڤرۆ ٢/٩/٢٠١٨ چل رۆژیا وەغەرکرنا (یوسف حسێن) ھاریکارێ رێڤەبەرێ گشتی بۆ کاروبارین کارمەندین ساخلەمیێ ژلایێ رێڤەبەریا گشتی یا ساخلەمیا پارێزگەھا دھۆکێ و بنەمالا خودێ ژێ رازی ھاتە ساخکرن.
د. نزار عسمەت تەیب، رێڤەبەرێ گشتی یێ ساخلەمیا پارێزگەھا دھۆکێ د پەیڤا خۆ دا دیارکرکو بەری پێنج سالان دەمێ خودێ ژێ رازی یوسف حسێن ناسکری ھاتیە دەست نیشانکرن وەکو ھاریکارێ رێڤەبەرێ رێڤەبەرێ گشتی بۆ کاروبارێن کارمەندێن ساخلەمیێ ل سەر خەبات وبزاڤ وچالاکیێن وی یێن ناڤ جڤاکی دا، رەحمەتی ھاتیە دەست نیشانکرن و دەست نیشانکرنا وی زێدەھیەکا مەزن بوو بۆ باشتر خزمەتکرنا کارمەندێن ساخلەمیێ بۆ جارا ئێکێ یە د مێژوویا ساخلەمیێ دا کەسەک دھێتە دەستنیشانکرن بو ڤی پۆستی و ئەرکێ وی گەلەک یێ گران بوو، چونکو رێژەکا زۆر یا ستافێ ساخلەمیێ ژ تەخا کارمەندان بوویە، لەورا مە پێکڤە بەرنامەک بۆ پەرستار وکارمەندان دانا بۆ پتر پێشڤەبرنا شیانێن وان و گەلەک جاران سەرا کەسەکێ ھەژار و خەباتکەر و دلسوز، خودێ ژێ رازی د شیا چار دەمژمێران دگەل من دانوستاندنێ بکەت، ب تنێ دا بو وی تشتەکی بکەت، ل دەستپێکا شەرێ تیرۆرستێن داعش دگەل ھەڤالان ناڤ ئینان وگۆتن ئەم دبەرھەڤین بچینە بەرۆکێن شەری و خزمەتا مللەتێ خوە بکەین.
رزگار حسێن، پەیڤا رێڤەبەریا گشتی یا رەوشەنبیری وھونەری ل دھۆکێ پێشکیشکر و گۆت: گەلەک بواراندا یوسف حسێن چالاک بوویە وەکو رەوشەنبیری و ھونەری وساخلەمیێ و سیاسەت ورۆژنامەڤانیێ وچەندین خەلات وەرگرتینە و ھاتیە رێزگرتن ژلایێ پارێزگارێ دھۆکێ (فەرھاد ئەمین ئەتروشی) و (خالد دوسکی) وەزیرێ رەوشەنبیری و لاوان ل حکومەتا ھەرێما کوردستانێ و د. نزار عسمەت رێڤەبەرێ گشتی یێ ساخلەمیا پارێزگەھا دھۆکێ و عبدالخالق بابیری بەرپرسێ لقا ئێک ل وی دەمی دا و سەرۆکاتیا زانکۆیا نەوروز لێ ھاتیە گرتن.
مەسعود سەرنی، پەیڤا لقێ ئێک یا پارتی دیموکراتی کوردستان خواند و گۆت: ھەڤالێ خەباتکەر ئێک ژ نڤیسکار و ھونەرمەندان بوویە و رۆلەکی زۆر گێرایە دڤان ھەردو بواراندا مرۆڤ دوست و بەرنیاس بوویە دناڤ دھۆکێ دا و چەندین جاران خەلاتێن ھونەری وەرگرتینە ئێک ژوان ئەکتەرێن بەشداری کرین دفلمێ (ئو نێرگز بشکڤین) فلمەک بوو لسەر ژیانا پێشمەرگایەتیێ کاک (یوسف حسێن) ل سالێن ھەشتیان رێکخستی بوویە دناڤ رێکخستنێن نھینی دا ژلایێ رژێما ژ ناڤچوویا عیراقێ ڤە ھاتیە گرتن وئەشکەنجەدان سالا ٩١ دگەل دەستپێکا سەرھلدانێ رۆلەکێ گرنگ گێرایە دئازادکرنا دھۆکێ دا
نزار سەعید، پەیڤا سەندیکا کارمەندێن ساخلەمیێ لقی دھۆک ھاتە خواندن وتێدا سەرخوشیێن خوە ئاراستەی دوست وھەڤال و کەس وکارێن رەحمەتی کرن و ب پشتەڤانەک مەزن بۆ کارمەندێن ساخلەمیێ دیارکر و ھەردەم پشتەڤانی کریە ھەموو وارەکی دا.
ئه‌ڤ مالپه‌ره فرێکه
