گهلهك نهخۆشێن سۆتنێ ژ نهخۆشخانێن دهرڤهيى وهلاتى ڤهگهريانينه نهخۆشخانا سۆتنێ ل دهۆكێ
ھندەک نهخۆشێن سۆتنی ھەیڤەکێ چار دەفتەرێن دولاری ژ دەرڤەيی وەلاتی بۆ چارەسەریێ د مەزێخن.
چارەسەرکارێ سرۆشتی ل نەخۆشخانا تایبەتمەندێ سۆتنێ و جوانکاریێ ل پارێزگەھا دھۆکێ دیارکر کو گەلەک جاران نهخۆش ژ نەخۆشخانا سۆتنی و جوانکاریێ ل دھۆکێ دەردکەڤن و دچنە وەلاتێ تورکیا بۆ چارەسەریێ ھندەک ژ وان ھەیڤەکێ دمینن ھەتا چار دەفتەرێن دولاری د مەزێخن، ل پارێزگەھا دھۆکێ ھەکە نهخۆش چەند د ناڤ نەخۆشخانێ دا بمینت چو پارە ژێ ناھێتە وەرگرتن ھەموو نشتەگەرى و چارەسەری بێ بەرامبەر بۆ نهخۆشى ل دھۆک دھێنە کرن.
حەکیم سلێمان، چارەسەرکارێ سرۆشتی ل نەخۆشخانا تایبەتمەندێ سۆتن و جوانکاریێ ل پارێزگەھا دھۆکێ دیارکر کو بەری چەند ھەیڤان چار نەخۆشێن سۆتنی گەھشتنە نەخۆشحانێ ب مخابنی ئێک ژ وان گیانێ خوە ژ دەست دا و سێ يێن دى مان پشتی چەندەکێ وان ئەو نەخۆش رەوانەيی وهلاتی تورکیا کرن پشتی ماینە ل نەخۆشانێن وان بۆ چارەسەری ژ بەر نە لڤاندنی ئەو نهخۆش تووشی نەخۆشیەکا دى بوون ژبلی سۆتنا لاشی وان ئەو ژی پەقيشک ل سهر لاشێ وان دروست بوون و جارەکا دی ژ تورکیا ئینانە نەخۆشخانا سۆتن و جوانکاریێ ل پارێزگەھا دھۆکێ ل ڤێری نوشدارێن تایبەتمەند و چارەسەرکارێن سرۆشتی دەست ب چارەسەریا وان کرن ھەتا حەفت نشتەرگەرییێن جوانکاریێ بێ بەرامبەر ل دھۆک بۆ ھاتنە ئەنجامدان د گەل چارەسەریا سرۆشتی نوکە رەوشا وان گەلەک باش بوویە.
ئاماژە دا وی چەندی ژی کو ل نەخۆشخانێن ژ دەرڤەی وەلاتی ھەر شەڤەکا نەخۆشێ سۆتنێ د ناڤ نەخۆشخانێ دا بمینن 10 وەرقەیێن دولاری دمەزێخيت گەلەک جاران نهخۆش ھەنە ژ دھۆکێ دچن قەستا نەخۆشخانێن ژ دەرڤەی وەلاتی دکەن، بهلێ ژ بەر گرانیا نشتەرگەریان و مەزاختنا زێدە جارەکا دى ژ دەرڤەيی وەلاتی نەخۆشێ خوە دئینن ل نەخۆشخانا تایبەتمەندا سۆتن و جوانکاریێ دنڤینن بۆ ئەنجامدانا نشتەرگەریان و چارەسەریا سرۆشتی چونکو ل دھۆکێ ھەموو خزمەت بێ بەرامبەر دھێنە پێشکیشکرن بۆ نهخۆشی ژ دەرڤەيی وەلاتی ئەڤە نينە مەزاختن گەلەک ل سەر نهخۆشێ زێدە دبیت.